1 Nelía paquij nochi tlen monejnemiltíaj xitlahuac,
2 Paquij nopa tlacame tlen quitemohuaj TOTECO ica nochi ininyolo huan quichijtinemij tlen yajaya quiijtohua.
3 Pampa inijuanti ax quichihuaj tlen ax cuali.
4 Ta titechmacatoc motlanahuatilhua para ma tijchihuaca tlen quiijtohuaj.
5 ¡Tlahuel nijnequisquía nijchijtinemis senquistoc tlen titechyolmelajtoc ma tijchihuaca!
6 Queja nopa ax nimopinahuasquía intla niquinchijtinemis nochi motlanahuatilhua.
7 Na nimitztlascamatis ica nochi noyolo quema ya nijmachilis nochi motlamachtilhua tlen xitlahuac.
8 Na nijchihuas nochi tlen titechyolmelajtoc ma tijchihuaca ipan toyolis.
9 ¿Tlachque monequi quichihuas se telpocatl para itztos tlapajpactic moixtla, TOTECO?
10 Na ica nochi noyolo nimitztemojtoc, Toteco.
11 Ipan noyolo nicajcoctoc nochi tlen tiquijtojtoc,
12 TOTECO, ta tlen nochi mitzhueyimatij,
13 Na nitepohuilijtoc nochi motlamachtilhua tlen ta tinechmacatoc.
14 Más nimopaquilismacatoc pampa ninemi ipan moojhui huan nijchihua tlen ta tiquijtojtoc,
15 Nimoyolilhuis tlen motlanahuatilhua huan ninemis ipan nopa ojtli campa quiijtohuaj ma ninejnemi.
16 Nimopaquilismacas ica tlen tinechyolmelajtoc,
17 Xinechchihuili tlen cuali, na nimotlatequipanojca.
18 Xinechixtlapo para niquitas nopa huejhueyi tlamachtilistli tlen quipiya moley.
19 Na san nipaxalohua ipan ni tlaltepactli.
20 Ipan noyolo tlahuel nijnequi nijchihuas nochi tlen xitlahuac queja quiijtohua motlamachtil.
21 Ta tiquinajhua nopa tlaixpanoca tlacame tlen mohueyimatij.
22 Amo xiquincahuili ma nechpinahualtica pampa na nijtlepanita nochi tlen ta tiquijtohua.
23 Hasta nopa huejhueyi tlacame tlen quipiyaj tequihuejcayotl mosehuijque para nechijilnamiquise,
24 Pampa motlajtol nechtlahuilía huan nechconsejomaca.
25 Nelía nimocuesohua hasta nihuetztoc ipan tlaltejpoctli.
26 Na nimitzpohuili nochi tlen nijsencajtoc nijchihuas huan ta tinechtlacaquili.
27 Xinechchihuili ma nijmachili nopa ojtli tlen ipan ninemis para niquintoquilis nochi motlanahuatilhua.
28 Nichoca pampa tlahuel nitlaijiyohuía.
29 Xinechpalehui mojmostla para ax niistlacatis.
30 Na nijtlapejpenijtoc nopa ojtli tlen melahuac,
31 Na nimotlatzquilijtoc ipan motlajtol huan nijchihuas tlen quiijtohua.
32 Intla tinechmacas noyolo tlen cuali moixtla,
33 TOTECO, tinechnextili quejatza nijchihuas nochi tlen tinechyolmelajtoc.
34 Xinechmaca tlalnamiquistli huan nijchijtinemis nochi tlen quiijtohua moley.
35 Xinechyacana ipan nopa ojtli tlen tinechnextilía motlanahuatilhua,
36 Xijchihua para más ma nijnequi motlajtol huan ax tomi.
37 Xinechhuejcatlali tlen nochi tlamantli tlen ax cuali para ax niquixtocas.
38 Xinechmatilti na, nimotlatequipanojca, para temachtli tinechmacas tlen tinechtlajtolcahuilijtoc,
39 Amo xinechcahuili ma niquinimacasi tlen nechpinahualtíaj pampa nimitztlepanita,
40 TOTECO, na tlahuel nijnequi nijchihuas tlen quiijtohuaj motlanahuatilhua.
41 TOTECO, xinechtlasojtla huan xinechmaquixti tlen nocualancaitacahua,
42 Queja nopa huelis niquinnanquilis inijuanti tlen nechpinahualtíaj,
43 Amo xinechquixtili motlajtol tlen melahuac huan amo xinechcahuili ma niquilcahua,
44 Na nijtlepanitas moley mojmostla.
45 Ninemis nimalacantoc pampa niquintemohua motlanahuatilhua para nijchihuas tlen quiijtohuaj.
46 Na niquinpohuilis motlajtol tlanahuatiani,
47 Na nimopaquilismacas ipan motlanahuatilhua pampa tlahuel niquinicnelía.
48 Nimomatlalanas para nijnextis notlatlepanitacayo ipampa motlanahuatilhua,
49 Ax quema xiquilcahua tlen tinechtlajtolcahuilijtoc tinechchihuilis na, nimotlatequipanojca,
50 Tlen tinechtencahuilijtoc tinechchihuilis nechyoltlalía quema nimopantía ipan tlaijiyohuilistli.
51 Nopa tlacame tlen mohueyimatij nechpinajtíaj pampa nimitztlepanita, Toteco,
52 TOTECO, na niquilnamiqui motlamachtil tlen huejcajquiya tinechmacac.
53 Nelía tlahuel nicualani ica nopa tlaixpanoca tlacame tlen quitlahuelcahuaj moley.
54 Nochi tlen tinechyolmelajtoc nechhualiquilijtoc paquilistli,
55 Ica tlayohua nimitzilnamiqui, TOTECO,
56 Nijseli tlahuel miyac tlatiochihualistli pampa nijchijqui tlen quiijtohuaj motlanahuatilhua.
57 ¡TOTECO, san ta nijpixtoc!
58 Ica nochi noyolo nijnequi motlatiochihualis.
59 Nimotlachili quejatza nimonejnemilti
60 Quena, nimoisihuiltía para nijchihuas tlen quiijtohuaj motlanahuatilhua.
61 Miyac tlaixpanoca tlacame nechyahualojtoque para nojquiya ma nitlajtlacolchihua ininhuaya,
62 Tlajco yohual nimehua para nimitztlascamatis ipampa motlamachtil tlen senquistoc xitlahuac.
63 Na niquinita queja nohuampoyohua nochi tlen mitzimacasij huan mitztlepanitaj,
64 ¡TOTECO, nochi tlaltepactli temitoc ica moteicnelijcayo!
65 ¡TOTECO, tlahuel tinechchihuilijtoc tlen cuali na, nimotlatequipanojca!
66 NoTeco, xinechchihuili ma nijmachili tlen cuali huan xinechmaca tlalnamiquistli,
67 Achtohuiya quema aya tinechicnotlalijtoya para tinechtlatzacuiltis,
68 Ta nelía ticuali huan tijchihua san tlen cuali.
69 Nopa tlacame tlen mohueyimatij nechistlacahuijtoque,
70 Inijuanti huihuitique huan tzactoc inintlalnamiquilis,
71 Nelía cuali para tinechicnotlali,
72 Para na más ipati moleyes huan ax millones tlen oro huan plata.
73 TOTECO, ta ica moma tijsencajqui notlacayo.
74 Nochi tlen mitztlepanitaj huan motemachíaj ipan ta,
75 TOTECO, na nijmati para motlamachtil senquistoc xitlahuac.
76 Huajca ama xinechyoltlalis ica moteicnelijcayo,
77 Xinechyahualo ica moteicnelijcayo para ma niyolto,
78 Ma huetzica ipan pinahualistli nopa tlacame tlen mohueyimatij,
79 Ma sampa mosentilica nohuaya nopa tlacame tlen mitzimacasij huan mitztlepanitaj,
80 Xijchihua para noyolo ma monejnemilti xitlahuac ipan nochi tlen tinechyolmelajtoc.
81 Na nitlapolosnequi pampa nijchiya para tinechmaquixtis tlen nocualancaitacahua,
82 Noixtiyolhua tlaxicohuaj pampa quinequij quiitase ma pano nochi tlen tinechtlajtolcahuilijtoc para tijchihuas.
83 Ya nihuehuentzi huan nitzocoyolijtoc queja se cuetlax bolsa tlen quitlalijtoque campa poctli,
84 ¿Quesqui tonali monequi nijchiyas para tiquintlatzacuiltis tlen nechtoquilijtinemij?
85 Nopa tlacame tlen mohueyimatij huan tlen quicocolíaj moleyes quichijtoque se hueyi tlacoyoctli para ma nimasi.
86 Xinechpalehui, pampa motlanahuatilhua senquistoc xitlahuac,
87 San quentzi nechixpolihuiltíaj,
88 Pampa hueyi moyolo, xinechcahuili ma niitzto.
89 TOTECO, motlajtol eltos temachtli para nochipa nepa elhuicac.
90 Mojmostla ta titemachtli huan tiitztos temachtli ica nochi tlen tlacajtiyase para nochipa.
91 Nochi tlamantli mocahua campa tiquinnahuati ma eltojca hasta ama ni tonal.
92 Intla ax nimopaquilismacatosquía ipan moley,
93 Ax quema niquinilcahuas motlanahuatilhua,
94 Na nimoaxca, xinechmaquixti pampa nochipa nijchijtinentoc tlen quiijtohuaj motlanahuatilhua.
95 Yonque nopa tlaixpanoca tlacame motlatise ipan ojtli para nechtzontlamiltise,
96 Nochi tlamantli tlen más cuajcualtzi niquitztoc canque ontlami,
97 ¡Tlahuel niquicnelía moley!
98 Motlanahuatilhua nechchijtoque más nitlalnamiqui que nocualancaitacahua.
99 Quena, achi más nitlalnamiqui hasta niquintlani inijuanti tlen notlamachtijcahua,
100 Na más nijmachilía que nopa huehue tlacame,
101 Ax quema nijnectoc nijtoquilis se ojtli tlen ax cuali,
102 Ax nimohuejcatlalijtoc tlen motlamachtil,
103 Motlajtol nelía cuali queja se tlatzopelcayotl.
104 Motlanahuatilhua nechmacaj tlalnamiquistli.
105 Motlajtol eltoc queja se tlahuili tlen quitlahuilía noojhui campa ninejnemi para ax nimotepotlamis.
106 Se huelta nitlatestigojquetzqui,
107 TOTECO, nechca huala nopa tonali para nimiquis ininmaco nocualancaitacahua.
108 TOTECO, nimitztlajtlanía xijseli nopa tlascamatili tlen nimitzmaca queja se tlacajcahualistli.
109 Mojmostla nimopantía campa mahuilili para noyolis,
110 Nopa tlaixpanoca tlacame quitlalíaj tlaquetztli para ma nimasi huan nihuetzis ipan tlajtlacoli,
111 Na san nimoaxcatijtoc motlajtol,
112 Ica nochi noyolo nijchihuas tlen quiijtohuaj motlanahuatilhua nochipa hasta nimiquis.
113 Ax nijnequi niquinitas tlacame tlen quichihuaj ome ininxayac.
114 Ipan ta nimotlatía para ax nechcocose nocualancaitacahua huan ipan ta nimomanahuía.
115 Ma nechtlalcahuica nopa tlacame tlen fiero inintlalnamiquilis.
116 Huajca noTeco, xinechmaca yancuic fuerza senquistoc queja tinechtlajtolcahuili.
117 Xinechfuerzajmaca para nimomaquixtis ininmaco nocualancaitacahua,
118 Ta tiquinhuejcamajcajtoc nochi tlen quitlahuelcahuaj tlen tinechyolmelajtoc.
119 Nochi tlacame tlen quinpactía tlajtlacolchihuaj ipan ni tlaltepactli tiquinita queja itetejtzo tepostli tlen mocahua quema tijmolonía para tijtlapajpacchihuas.
120 Nochi notlacayo huihuipica pampa mitzimacasi huan mitztlepanita, Toteco.
121 Na nijchijtoc tlen xitlahuac huan tlen melahuac moixtla.
122 Xitlatestigojquetza para tinechtiochihuas na, nimotlatequipanojca.
123 Campa hueli nitlachixtoc pampa nijchixtoc xinechmaquixtiqui tlen nocualancaitacahua,
124 TOTECO, ipan moteicnelijcayo xinechchihuili tlen cuali na, nimotlatequipanojca.
125 Na nimotlatequipanojca, xinechmaca tlalnamiquistli,
126 TOTECO, ya ajsic hora para timonextis huan tijchihuas tlen tiquita para cuali.
127 Pero na más niquinicnelía motlanahuatilhua huan ax queja oro tlen senquistoc cuali.
128 Pampa nochi motlanahuatilhua nelía xitlahuac.
129 Motlajtol nelía yejyectzi, TOTECO,
130 Quema quiixtomaj motlajtol,
131 Yeca tlahuel nijnequi niquixmatis más tlen quiijtohuaj motlanahuatilhua,
132 Xinechtlachili huan xinechtlasojtla,
133 Xinechyacana ipan se cuali ojtli ica motlajtol para ax nechtlanis niyon se tlaixpanoli.
134 Xinechmanahui tlen nopa tlacame tlen mosisiníaj huan quinequij nechtlaijiyohuiltise.
135 Ma monexti moteicnelijcayo ipan moxayac quema tinechtlachilía na, nimotlatequipanojca,
136 Tlahuel nichoca pampa miyac tlacame ax quitlepanitaj moley.
137 TOTECO, ta nelía tixitlahuac huan nochi tlatzacuiltili tlen titemaca nojquiya xitlahuac.
138 Nochi motlajtol xitlahuac huan temachtli para ipan ma timotemachica.
139 Nelía nimocuesohua huan nicualani,
140 Nochi moley nijyejyecojtoc huan niquitztoc para nelía tlatzejtzeloltic.
141 Nelía niteicneltzi huan miyac ax quinequij nechitase,
142 Ta tijchihua tlen xitlahuac para nochipa huan moley senquistoc melahuac.
143 Nopani huetztoc cuesoli huan tlaijiyohuilistli,
144 Motlajtol nochipa xitlahuac.
145 Ica nochi noyolo nimitztzajtzilía.
146 Na nimitztzajtzilía huan nimitzilhuía:
147 Nimehua ica ijnaloc quema aya quisa tonati,
148 Ica tlayohua ax nicochi pampa san nimoyolilhuía tlen nochi tlen tiquijtojtoc tinechchihuilis.
149 Xinechtlacaquili pampa titetlasojtla, TOTECO.
150 Nechca hualahuij nopa tlacame tlen mosisiníaj huan nechtepotztocatinemij.
151 Pero ta tinoTeco tiitztoc nonechca.
152 Hasta quema niitztoya nipilsiltzi niquixmatqui motlajtol,
153 Xijtlachili notlaijiyohuilis huan xinechmanahui,
154 Quena, xinechtenpalehui huan xinechmanahui queja tinechtlajtolcahuilijtoc para tijchihuas.
155 Ax tiquinmaquixtis nopa tlacame tlen ax mitztlepanitaj.
156 TOTECO, ta tlahuel tinechtlasojtla.
157 Miyac nocualancaitacahua nechtepotztocatinemij huan quichihuaj campeca para ma nimitzixpano,
158 Na niquincocolía nopa tlacajcayahuani,
159 Xiquita TOTECO, na tlahuel niquinicnelía motlanahuatilhua.
160 Nochi motlajtol senquistoc melahuac.
161 Tlacame tlen quipiyaj tequihuejcayotl nemij notepotzco para nechcocose yonque ax tleno niquinchihuilijtoc,
162 Na nimopaquilismaca ipan motlajtol queja se tlen paqui miyac quema quipantijtoc tlen tlahuel patiyo.
163 Nijcocolía nochi tlamantli istlacayotl,
164 Nimitzhueyimati chicome huelta ipan se tonal,
165 Nochi tlen quiicnelíaj moley quipiyaj miyac tlasehuilistli ipan ininyolo,
166 TOTECO, tlahuel nimochixtoc para tinechmaquixtis
167 Na nijneltoca motlajtol huan niquicnelía ica nochi noyolo.
168 Na nijchihua tlen quiijtohuaj motlanahuatilhua huan motlajtol,
169 TOTECO, xijtlacaquili tlen nimitztlajtlanía,
170 Xijtlacaquili tlen nimitztlajtlanía quema nimomaijtohua,
171 Na nimitzpaquilismacas,
172 Nitepohuilis nochi tlen tiquijtojtoc,
173 Ximocualtlali para tinechmanahuis,
174 TOTECO, nijnequi xinechmaquixtiqui,
175 Xinechcahuili ma noja niitztos para nimitzhueyimatis.
176 Na nimocuapolojtoc queja se pilborregojtzi,