1 ¡Xijpaquilismacaca TOTECO pampa yajaya nelía cuali!
2 Nochi inisraelitame xijhueyimatica Toteco huan xiquijtoca:
3 Nochi intotajtzitzi tlen iniixhuihua Aarón nojquiya xiquijtoca:
4 Nochi imojuanti tlen inquitlepanitaj TOTECO xiquijtoca:
5 Quema nimocuesohuayaya,
6 TOTECO itztoc nohuaya para nechpalehuis,
7 TOTECO itztoc nonechca.
8 Más cuali nimotemachis ipan TOTECO huan ax ipan se tlacatl.
9 Más cuali nimomanahuis ipan TOTECO huan ax ipan se hueyi tlanahuatijquetl.
10 Yonque nochi tlacame tlen nochi tlaltini ma nechyahualoca para nechtehuise,
11 Quena, yonque nechyahualose huan nechtehuise,
12 Nocualancaitacahua hualajque nopani queja sayolime,
13 Nocualancaitacahua quichijque campeca para nechmictise,
14 TOTECO nechpixtoc imaco,
15 Ipan ininchajchaj tlen monejnemiltíaj xitlahuac iixtla TOTECO tlahuelchihuaj huan huicaj ica paquilistli,
16 Ichicahualis TOTECO nelía hueyi huan quichihua huejhueyi tlamantli.
17 Ax nimiquis.
18 Toteco nechtlatzacuilti chicahuac,
19 Xijtlapoca ipuertajyo itiopa TOTECO,
20 Ipan ni puerta calaquij para yahuij hasta iixtla TOTECO,
21 Nijhueyimatis noTeco Dios, huan nijtlascamatilis miyac,
22 Calchihuani quihuejcamajcajque se hueyi tetl tlen ax quinejque quitequihuise,
23 Nochi ya ni quichijtoc TOTECO huan yejyectzi nesi.
24 Ni nopa tonali tlen TOTECO quichijqui.
25 Nijtlajtlanía TOTECO ama ma techmaquixti tojuanti tlen tocualancaitacahua.
26 ¡Ma TOTECO mitztiochihua ta tlen tihuala ica itequihuejcayo [118:26 O ica itoca.]!
27 TOTECO yajaya Dios, huan yajaya techtlahuilía.
28 Pampa yajaya noTeco Dios, yeca nijtlascamati huan nijhueyimati.
29 ¡Xijtlascamatica TOTECO pampa yajaya nelía cuali!