1 Nelía niquicnelía TOTECO pampa yajaya nechtlacaquilía quema nimomaijtohua huan nechnanquilía.
2 Huan pampa mohuijtzoma huan nechnanquilía,
3 Nechyahualojtoya miquistli.
4 Huajca nijtzajtzili TOTECO huan niquilhui:
5 ¡TOTECO nelía cuali iyolo!
6 TOTECO quinmocuitlahuía tlen moicnonequij huan itztoque queja coneme.
7 Ama huelis nimosiyajcahuas pampa TOTECO nechchihuilijtoc tlen cuali.
8 Nechmanahuijtoc imaco miquistli,
9 Ipan ni tlaltepactli campa itztoque tlacame,
10 Na nijneltocayaya Toteco huajca niquijto:
11 Huan quema ayoc nijmatiyaya tlachque nijchihuas, niquijto:
12 Huan ama ya niitztoc cuali.
13 Nijhualiquilis xocomecatl iayo queja se tlacajcahualistli,
14 Tlamiyacapa nijhualiquilis TOTECO nopa tlacajcahualistli tlen nijtlajtolcahuili nijmacas.
15 TOTECO quiita para tlahuel ipati ininyolis itlacajhua tlen quinicnelía,
16 TOTECO, na nimotlatequipanojca,
17 Nimitzpaquilismacas huan nimitztlascamatis huan ta tiquitas queja elisquía se tlacajcahualistli.
18 Tlamiyacapa nijhualiquilis TOTECO nopa tlacajcahualistli tlen nijtlajtolcahuili nijmacas.
19 Quena, nijmacas TOTECO nopano ipan icalixpa ichaj tlen eltoc ipan altepetl Jerusalén.