1 ¡TOTECO, amo xitechhueyitlali tojuanti!
2 Amo xiquincahuili para nopa tlacame ipan sequinoc tlaltini ma quiijtoca:
3 Ta toTeco Dios, tiitztoc nepa elhuicac,
4 Pero nopa tlacame quinitaj queja inintecohua nopa teteyome tlen quinchijchijtoque ica oro huan plata.
5 Quipiyaj inincamac, pero ax camatij.
6 Quipiyaj ininnacas, pero ax tlacaquij.
7 Quipiyaj ininma, pero ax hueli quiitzquíaj niyon se tlamantli.
8 Huan nochi tlacame tlen quinchijchijtoque nopa tiotzitzi nelía huihuitique queja nopa teteyome,
9 ¡Inisraelitame, ximotemachica ipan TOTECO,
10 Intotajtzitzi tlen iniixhuihua Aarón huan iniaxcahua TOTECO,
11 Nochi imojuanti tlen inquiimacasij huan inquitlepanitaj TOTECO ximotemachica ipan ya,
12 TOTECO ajachica techilnamiqui huan yeca temachtli techtiochihuas.
13 Quena, Toteco quintiochihuas nochi tlen quiimacasij huan quitlepanitaj.
14 Tlahuel miyac TOTECO ma inmechtiochihuas imojuanti huan imoconehua.
15 Quena, TOTECO tlen quichijqui elhuicactli huan tlaltepactli,
16 Nochi elhuicactli iaxca TOTECO,
17 Tlen mictoque ax huicaj huan quihueyimatij TOTECO.
18 Pero tojuanti, quena, tojuanti tijhueyimatise TOTECO ama huan para nochipa.