1 ¡TOTECO, xinechtlacaquili quema nimomaijtohua!
2 Amo ximohuejcatlali tlen na ipan nopa hora quema nitlaijiyohuía.
3 Pampa mojmostla noyolis tlantiya queja poctli.
4 Tlahuel nimococohua ipan noyolo.
5 Huan pampa tlahuel nitlaayijhuijtoc,
6 Nijmati queja nielisquía nopa tzopilotl tlen nemi ipan nopa tlali campa ax tleno eli,
7 Nochi yohuali ayoc nicochi.
8 Nocualancaitacahua mojmostla nechpinajtíaj huan nechtelchihuaj.
9 Ayoc nijcua pantzi.
10 pampa tlahuel ticualantoc ica na.
11 Noyolis panoti chicahuac queja tlayohuilotl.
12 Pero ta TOTECO, tiitztos para nochipa,
13 Na nijmati para ta timotlalanas huan tihualas para tijtlasojtlaqui altepetl Jerusalén.
14 Pampa motlacajhua tlahuel quinicnelíaj sese tetl ipan itepa Jerusalén,
15 Huajca nochi tlaltini huan inintlanahuatijcahua ma huihuipicaca iixtla TOTECO.
16 Pampa TOTECO sampa quicualtlalis altepetl Jerusalén.
17 Yajaya quintlacaquilis nopa teicneltzitzi quema momaijtose,
18 Niquijcuilohua ya ni para nochi tlen tlacajtiyase teipa ma nojquiya quihueyichihuase TOTECO ipampa nochi tlen quichijtoc.
19 Pampa TOTECO quihualtlachili tlaltepactli tlen nepa elhuicac campa eltoc itiopa.
20 Huan quintlacaquili quema tlaayijhuiyayaj itlacajhua tlen tlatequipanohuayayaj ipan sequinoc tlaltini.
21 Huajca miyac tlacame sampa hualase ipan altepetl Jerusalén para quipaquilismacase TOTECO.
22 Huan miyac tlanahuatiani tlen ni tlaltepactli hualase para quitequipanose huan quihueyichihuase TOTECO.
23 Yajaya nechquixtili nochicahualis quema noja polihuiyaya tlajco para nimiquis,
24 Pero nijtzajtzili huan niquilhui:
25 Hasta ipejya tonali ta tijtlali itzinpehualtil ni tlaltepactli,
26 Yonque nochi tlen tijsencajqui se tonali tlamis,
27 Pero ta ax quema tihuehuentiyas.
28 Pero tojuanti tlen timotlatequipanojcahua,