1 Na nijnequi nihuicas para ta,
2 Nijnequi xitlahuac nimonejnemiltis ipan moojhui,
3 Ax nijnequi tlamantli tlen nenpolihui huan tlen ax tleno ipati.
4 Nijhuejcamajcahuas nochi tlalnamiquistli tlen nechchihuasquía ma nijchihua tlen fiero.
5 Ax niquijiyohuis tlen quiixtacaijilnamiqui ihuampo.
6 Niquinmocuitlahuis nopa tlacame tlen temachme ipan notlal,
7 Pero ax niquincahuilis ma itztoca ipan nochaj tlen tlacajcayahuaj huan istlacatij.
8 Mojmostla ica ijnaloc niquintzontlamiltis nochi tlen ax tleno quitlepanitaj.