1 अले एलीपज तेमानीं लिसः बिल,
2 “सुनानं छिलिसें न्ववायेगु आँट यात धाःसा छि तंचायादी ला?
3 बिचाः यानादिसँ, छिं गय् यानाः यक्व मनूतय्त शिक्षा बियादिया,
4 धेधेचूपिन्त छिगु वचनं तिबः बिल।
5 तर आः संकट छिके वल, छिं नुगः क्वतुंकादीगु दु।
6 छिं परमेश्वरयात आराधना याःगु हे छिगु निंतिं भरोसा
7 “बिचाः ला यानादिसँ। छुं दोष मदुम्ह सुं मनू गुबलें नाश जूगु दु?
8 जिं खनागु दु, अधर्म जोतय् याइपिन्सं
9 इपिं परमेश्वरया सासलं नाश जुइ
10 सिंहत गर्जय् जूसां अले तं पिकया सः पिकाःसां
11 नयेत शिकार मदयाः सिंहत मदयावनी,
12 “छता खँ खुसुक्क जिगु न्हाय्पनय् वल।
13 चान्हय्सियागु चितासू मब्यूगु म्हगसय्
14 जि ग्यानाः थुरथुर खात,
15 छगू आत्मा जिगु न्ह्यःनं वन,
16 व दित,
17 छु सीमानिम्ह मनू परमेश्वर स्वयाः धर्मी जुइ फइ ला?
18 परमेश्वरं थः सेवकतय्त हे पत्याः याना मदिल धाःसा,
19 चायागु छेँय् च्वंपिन्के छाय् झन अप्वः दोष लुइकामदी?
20 इमित सुथंनिसें बहनी तक नाश याइ।
21 छु इमिगु पालया खिपः च्वय् साःगु मदु ला?