1 अले अय्यूबं लिसः बिल,
2 “आः नं जिं दिक्क चाय्क कचकच याना हे च्वने।
3 ओहो! वय्कःयात गन नापलाकेगु स्यूगु जूसा,
4 जिं थःगु मुद्दा वय्कःया न्ह्यःने तयेगु
5 अले वय्कलं छु लिसः बियादीगु खः जिं थुइकेफु,
6 वय्कलं थःगु फुक्क तःधंगु बल जिगु विरोधय् छ्यलादी ला?
7 अले स्वजापिं मनूतय्सं वय्कःया न्ह्यःने थःगु मुद्दा न्ह्यब्वये फइ।
8 “जि पुर्बपाखे वन धाःसा वय्कः अन मदी।
9 वय्कलं उत्तरपाखे ज्या याइबलय् जिं वय्कःयात खंके मफु।
10 तर वय्कलं जिगु फुक्क पहःचहः स्यू।
11 जि वय्कःया पलाःया ल्यू वनागु दु,
12 वय्कःया म्हुतुं पिहां वःगु आज्ञायात जिं ‘म्हां’ मधया।
13 “तर छकः वय्कलं क्वःछिनादी धुंकाः सुनां वय्कःया मनयात हीके फइ?
14 वय्कलं थःगु योजना जिगु विरोधय् पूरा यानादी।
15 उकिं वय्कःलिसें नापलायेत जि ग्याः।
16 परमेश्वरं हे जिगु मनयात कमजोर यानादीगु दु।
17 जिगु छचाःखेरं खिउँगु दुसां जि सुम्क च्वने मखु,