1 “जितः थःगु जीवन हे घच्चाये धुंकल।
2 जिं थः परमेश्वरयात धाये, जितः दोषी ठहरय् यानादी मते,
3 छि जितः अत्याचार यायेत लय्तायादी ला?
4 छु छिगु मिखा नं मनूयागु मिखा थें खः ला?
5 छु छिगु दिं सीमानिम्हय्सिगु दिं थें च्वं ला?
6 छिं जिके दोष मालादी
7 खःला जि छुं दोष मदुम्ह खः,
8 छिगु हे ल्हातं जिगु आकार दय्कल अले जितः सृष्टि यानादिल।
9 छिं जितः चायात थें आकार बियादीगु खँ लुमंकादिसँ।
10 छु छिं जितः दुरु थें प्वंकादियागु मखु ला?
11 हाकनं छिं जितः ला व छेंगू फिकादियागु मखु ला?
12 छिं जितः जीवन बियादिल, छिं जितः सदां दयाच्वनीगु दया यानादिल।
13 तर छिं सुनां मसीक जितः नाश यायेगु उपाय यानाच्वंगु दु धकाः जिं स्यू,
14 जिं पाप यानागु जूसा छिं जितः स्वयाच्वनादीगु जुइगु
15 जि धात्थें हे दोषी खःसा जितः धिक्कार!
16 जिं थःगु छ्यं धस्वाकूसां सिंह थें छिं जितः शिकार यानादी।
17 छिं जिगु विरोधय् न्हूपिं साक्षीत हयादी,
18 अथे खःसा छिं जितः छाय् मांया प्वाथं पिने हयादियागु?
19 जि द हे मदुगु जूसा ला ज्यूगु नि,
20 छु जिगु चिहाकःगु जीवन मफुत ला?
21 जि तसकं खिउँगु गालय् वने न्ह्यः,
22 तसकं खिउँगु, जः नं खिउँगु थें च्वंगु हाकुगु किचः