1 Nimitzhuicatis, TOTECO, para nochipa pampa tahuel hueyi moyolo ica na.
2 Na niquijto: “Ta titetasojtas para nochipa.
3 Ta tiquijtojtoc para tijchijqui se camanal sencahuali ica motequipanojca David cati tijtapejpenijtoc.
4 Tiquilhui para se iixhui mosehuis ipan isiyaj campa yaya tanahuatía,
5 TOTECO, cati itztoque ipan ilhuicac mitzpaquilismacaj por nochi nopa tiochicahualnescayot cati tijchihua.
6 Pampa ipan nochi ilhuicac amo aqui seyoc cati san se quej ta, Toteco Dios.
7 Toteco Dios, ta nelía tihueyi huan titemajmati.
8 TOTECO, ta tiDios Cati Tijpiya Nochi Chicahualisti,
9 San ta tihueli tijtacahualtía nopa hueyi at quema mosisinía huan mocoxonía chicahuac.
10 Ta tijtzontamilti nopa cati temajmatiyaya ipan hueyi at.
11 Ta moaxca ilhuicacti, taltipacti huan nochi cati onca,
12 Tijchijchijqui nopa norte huan sur.
13 Moajcol tahuel quipiya chicahualisti.
14 Motanahuatilis motatzquilijtoc ipan ome tamanti:
15 Nelía paquij nopa masehualme cati quicaquij nopa tapitzali cati quinnotza ma mitzhueyichihuaca, TOTECO.
16 Semilhuit mopaquilismacase ipan ta pampa tahuel tihueyi huan tixitahuac.
17 Pampa san ta tijpiya mohueyitilis huan tiquinfuerzajmaca.
18 Quena, Toteco Dios, ta cati titatzejtzeloltic techmocuitahuía tojuanti ipan tali Israel.
19 Ipan se tanextili tijcamanalhui motatzejtzeloltijca profeta huan tiquilhui:
20 Quena, nijpantijtoc notequipanojca David huan nicaltijtoc ica nopa aceite cati ica niteiyocatalía para ma nechtequipanoca.
21 Nijchihuas ma eli temachti huan nijmacas chicahualisti.
22 Amo quiechcapantalise icualancaitacahua,
23 Iixpa niquintzontamiltis icualancaitacahua huan nochi cati quicualancaitaj.
24 Na cati nitemachti nijmocuitahuis huan nijtiochihuas talojtzitzi,
25 Na nijchihuas para itanahuatilis pehuas campa hueyat Eufrates,
26 Huan yaya nechtzajtzilis huan nechilhuis:
27 Na niquitas nopa tanahuatijquet quej noachtohui cone.
28 Niquicnelis para nochipa huan para nochipa nijchihuilis cati cuali.
29 Na nijtequimacas se iixhui para ma tanahuatis campa yaya tanahuatiyaya.
30 Pero sinta iconehua quitahuelcahuase noley huan amo monejnemiltise quej quiijtohua notamachtil,
31 o sinta quiixpanose cati niquinnahuatijtoc ma quichihuaca ipan ininemilis huan amo quintepanitase notanahuatilhua,
32 huajca niquintatzacuiltis pampa ya nopa quinextis para amo nechneltocatoque huan tajtacolchihuaj.
33 Pero amo nijcahuas niquinicnelis,
34 Amo niquelcahuas cati ica nimocajtoc David huan amo nijpatas nocamanal.
35 Pampa na nitatestigojquetzqui para nijchihuilis David nochi cati nijtajtolcahuilijtoc.
36 Iixhui mosehuis huan tanahuatis para nochipa campa ya mosehui.
37 Quena, itanahuatilis tahuel huejcahuas quej huejcahuas metzti,
38 ¿Huajca para ten techtahuelcahua huan techhuejcamajcahua?
39 ¿Tijsosolojtoc nopa camanali cati tijchijqui ihuaya?
40 Tiquincahuili tocualancaitacahua ma quihuelonica nopa tepamit cati yahualtic quitzacuayaya toaltepe.
41 Nochi cati panoj nopona quiichtequij cati inijuanti quinequij.
42 Tiquinfuerzajmacatoc tocualancaitacahua,
43 Tijquixtili itatequiyo tomacheta cati ica titatehuiyayaj,
44 Techquixtili noyejyejca huan tijtahuisojtoc hasta talchi notanahuatilis.
45 Techchijtoc ma nitalochhuehuejtiya huan techpinahualtijtoc iniixpa nochi masehualme.
46 TOTECO, ¿hasta quema tamis ticualantos?
47 ¡Toteco, xiquelnamiqui para tonemilis amo huejcahuas ipan ni taltipacti!
48 Yon se masehuali amo huelis itztos para nochipa. ¡Nochi miquise!
49 NoTeco Dios, ¿canque eltoc motaicnelilis ten huejcajquiya?
50 TOTECO, xijtachili quenicatza nochi masehualme techcualancaitaj tojuanti timomasehualhua.
51 Mocualancaitacahua quipinahualtíaj yaya cati tijtapejpenijtoc para elis tanahuatijquet.
52 Ma tijpaquilismacaca TOTECO para nochipa.