1 TOTECO, ta cati tinoDios huan tinotemaquixtijca.
2 Techtacaquili quema nimotatajtía huan quema nimitztzajtzilía,
3 pampa nijmati nisiyajtoc ica nochi cati amo cuali hasta nijmati ya nechcatitoc para nimiquis.
4 Miyac quiijtohuaj para ya tantinemi nonemilis huan para ayecmo nijpiya chicahualisti.
5 Masehualme nechtahuelcajtoque para ma nimiqui.
6 Ta techmajcajtoc ipan nopa ostot cati más huejcata campa onca tzintayohuilot cati más yayahuic.
7 Mocualancayo nechtaijyohuiltía chicahuac huan talojtzitzi nechtatzintanhuetziltía más.
8 Tijchijtoc para noteixmatcahua ma nechtahuelcahuaca huan ma nechijiyaca.
9 Ayecmo hueli nitachiya pampa tahuel nimochoquilijtoc.
10 Pero nijmachilía para, quena, nimiquis nimantzi,
11 Se mijcatzi cati ya quitalpachojtoque amo huelis tepohuilis para tijpiya hueyi taicnelili.
12 Nepa campa tzintayohua amo huelise tepohuilise nopa huejhueyi tiochicahualnescayot cati tijchihua.
13 Pero na nimitztzajtzilijtoc ta TOTECO,
14 TOTECO, ¿para ten tijhuejcamajcajtoc nonemilis?
15 Na niitztoc ipan taijyohuili huan tequipacholi hasta quema noja niitztoya nitelpocat.
16 Miyac huelta hualajtoc ipan na mohueyi cualancayo,
17 Quena, nochi nopa tamanti nechyahualojtoc quej at.
18 Nochi cati niquinicnelía huan cati eliyayaj nohuampoyohua tiquinchijtoc ma nechtahuelcahuaca,