1 Nomasehualhua, xijtacaquilica notamachtil huan nochi cati niquijtohua,
2 pampa nimechnextilis tamanti cati amo aqui más quimati cati panoc huejcajquiya.
3 Tamanti cati tijcactoque huan tijmajtoque pampa totatahua techpohuilijque.
4 Quena, nimechmatiltis para anhuelise anquinpohuilise amoconehua nochi nopa cuajcualtzitzi huan huejhueyi tamanti,
5 Toteco Dios quimacac miyac tanahuatilme Jacob ipan tali Israel para ma monejnemiltica xitahuac,
6 huan iniixhuihua cati tacatise teipa.
7 Yeca hasta ama miyac masehualme quintepanitaj itanahuatilhua Toteco Dios,
8 Pampa amo quinamiqui para elise quej inihuejcapan tatahua cati moyoltetilijque huan amo tatepanitaque.
9 Nopa masehualme ten tali Efraín mocuepatoj huan cholojque ipan nopa tonali quema yahuiyayaj tatehuitij.
10 Amo quintepanitaque itanahuatilhua Toteco Dios,
11 Quielcajque nochi tamanti cati yaya hueli quichihua.
12 Quena, Toteco Dios quichijqui miyac tamanti iniixpa inihuejcapan tatahua ipan tali Egipto campa itoca Zoán.
13 Quitajcoxelo nopa hueyi at huan quichijqui ma panoca.
14 Tonaya quinyacanqui ica se mixti para quinecahuilis,
15 Ipan huactoc tali quitapo nopa hueyi tet huan quisqui miyac at para atique hasta aixhuique.
16 ¡Quena, ipan tet quisqui miyac at cati motalo quej se hueyat!
17 Pero inijuanti quisenhuiquilijque amo quitepanitaque.
18 Pampa quiyejyecojque Toteco Dios huan quitajtanijque tacualisti cati iniyolo quinequiyaya.
19 Hasta cualanque ica Toteco huan quiijtojque:
20 Xiquitaca, Toteco Dios quitapo nopa hueyi tet huan quisqui miyac at quej elisquía se hueyat hasta atzonpoli tali,
21 Huan quema TOTECO quicajqui ni tamanti, tahuel cualanqui.
22 pampa inijuanti amo quineltocaque Toteco Dios,
23 Pero masque quej nopa quichijque,
24 Huan quichijqui ma huetzi nopa tacualisti cati itoca maná para ma quicuaca quej quema huetzi at.
25 Masehualme quicuajque cati elqui inintacualis ilhuicac ehuani.
26 Ica ihueyi chicahualis quihualicac nopa ajacat cati huala campa quisa tonati huan cati huala ica tani para ma taajaca campa ilhuicacti.
27 Quichijqui ma hualaca miyaqui totome quej imiyaca taltepocti.
28 Huan Toteco quichijqui para nopa totome ma huetzica tatajco campa quichijtoyaj iniyoyoncal.
29 Huan nopa masehualme tacuajque hasta ixhuique.
30 Pero quema sanoc tantoyaj tacuaj,
31 Toteco Dios motananqui ica ihueyi cualancayo,
32 Pero masque Toteco quinchihuili ya nopa,
33 Yeca Toteco quintaijyohuilti ipan nochi ininemilis huan quintzontamilti san ica se talojtzi.
34 Pero teipa, quema ya quintzontamiltijtoya sequij,
35 Huan quielnamijque para yaya Toteco Dios cati quinmocuitahuiyaya para amo quinajsis cati amo cuali.
36 Pero nopa israelitame amo quitoquiliyayaj ica nochi iniyolo.
37 Pampa iniyolo eltoya huejca ten Toteco.
38 Pero Toteco quipixqui hueyi iyolo ica inijuanti.
39 Pampa Toteco quielnamijqui para inijuanti san elij masehualme cati ininemilis ixpolihui san ica se talojtzi,
40 Nepa ipan huactoc tali,
41 Talojtzitzi quiyejyecojque,
42 Quielcajque ihueyi chicahualis huan iteicnelijcayo.
43 Quielcajque quenicatza Toteco quititanqui tatzacuiltili ipan Zoán ipan tali Egipto.
44 Quielcajque quenicatza quicuetqui esti nopa at huan ayecmo aqui huelqui quiic.
45 Quielcajque quenicatza quintitanqui tahuel miyac sayolime hasta quitemitijque nopa tali.
46 Toteco quintitanqui ocuilime huan chapolime para ma quicuaca inintatochui huan ininpixquilis.
47 Ica tesihuit quitzontamilti inixocomecamil huan inihiguera mil.
48 Inihuacaxhua mijque ipan potrero pampa Toteco Dios quinmajcahuili tesihuit cati tahuel huejhueyi.
49 Quena, Toteco tahuel cualanqui ica inijuanti,
50 Cualanqui nelchicahuac huan amo quimanahui yon se Egipto ejquet.
51 Teipa Toteco quinmicti nopa achtohui ehuani ipan sese familia ten tali Egipto.
52 Pero quinquixti imasehualhua quej elisquíaj pilborregojtzitzi,
53 Quinyacanqui ica miyac temachili para ma amo majmahuica.
54 Huan quinhuicac hasta campa inepa nopa tali cati tatzejtzeloltic.
55 Iniixpa quinquixti nopa masehualme cati itztoyaj ipan nopa tali.
56 Pero masque quinchihuili ya nopa,
57 Yeca mocuetque para amo calaquise ipan nopa tali tatencahuali huan quicamaijixnamijque san se quej inintatahua quichijque.
58 Quicualancamacaque Toteco pampa mochijchihuilijque teteyome huan taixpamit para quinhueyichihuase ininteteyohua.
59 Pero quema Toteco Dios quiitac ya ni,
60 Huan quitahuelcajqui itiopa cati eltoya ipan altepet Silo,
61 Huan Toteco quincahuili inincualancaitacahua ma quihuicaca iCaxa cati quinpixtoya itanahuatilhua.
62 Nojquiya quintemactili imasehualhua inimaco inincualancaitacahua para ma quinmictica ica macheta,
63 Inintelpocahua quintatijque,
64 Quintzontamiltijque nopa totajtzitzi ica macheta huan inisihuajhua nojquiya mijque nimantzi,
65 Huajca Toteco motananqui quej quema se acajya cochi huan mijquehua,
66 Huan Toteco quinichtacahui quema quintehui icualancaitacahua.
67 Pero Toteco quintahuelcajqui nopa huejhueyi familias cati hualajqui ten José huan Efraín.
68 San quintapejpeni ihueyi familia Judá,
69 Huan nopona quichijchijqui itiopa cati cuajcualtzi huan temachti,
70 Quitapejpeni itequipanojca, David,
71 quema yahuiyaya inintepotzco nopa tena borregojme cati quinpiyayayaj ininconehua,
72 Huan quena, David quinmocuitahui imasehualhua Toteco ica nochi ichicahualis huan ica nochi iyolo.