1 NoTeco Dios, techmaca motamachtil huan techpalehui na cati nitanahuatijquet,
2 Xijpalehui para quintajtolsencahuas xitahuac nochi momasehualhua,
3 Xijchihua para nochi ipan ni tali ma paquica pampa nopa tanahuatijquet quichihua cati xitahuac,
4 Yaya quinmanahuis cati itztoque ipan tequipacholi huan cati amo teno quipiyaj.
5 Huan cati teicneltzitzi huan amo teno quipiyaj mitzimacasise mitzixpanose nochi tonali quema noja eltos tonati huan metzti.
6 Huan nochi altepeme ipan itanahuatilis nocone ma eli cuajcualtzi huan temachti,
7 Huan nochi masehualme cati itztoque xitahuaque huan cuajcualme,
8 Itanahuatilis nocone ma ajsi hasta campa pehua huan hasta campa ontami nopa hueyi at.
9 Nochi masehualme cati itztose ipan huactoc tali mohuijtzomase iixpa,
10 Nochi nopa tanahuatiani cati itztoque itejteno nopa hueyi at cati itoca Mediterráneo,
11 ¡Quena, nochi tanahuatiani ten campa hueli talme quitamajmacase!
12 Yaya quinmanahuis nopa teicneltzitzi huan cati amo teno quipiyaj quema quitajtanise tapalehuili.
13 Yaya quintasojtas cati amo quipiyaj chicahualisti huan cati teicneltzitzi,
14 Quinmanahuis para amo quintaijyohuiltise huan para amo quintehuise.
15 Huan quema noja itztos nopa tanahuatijquet,
16 Ma oncas miyac trigo ipan nochi nopa tali,
17 Nochi ma quihueyimatica nopa tanahuatijquet para nochipa,
18 Ma tijhueyichihuaca TOTECO Dios cati toDios tiisraelitame,
19 Nochipa ma tijpaquilismacaca Toteco.
20 Nica tami motatajtía David, icone Isaí.