1 ¡TOTECO, na san ipan ta nimotemachijtoc!
2 ¡Techmanahui ten nocualancaitacahua,
3 Nochipa san nimotatijtoc huan nimotemachijtoc ipan ta para amo nechajsise nocualancaitacahua.
4 NoTeco Dios, techmanahui inimaco ni mosisinijca tacame huan temictiani.
5 TOTECO, ta cati titoTeco, san ipan ta nimotatzquilijtoc,
6 Ta nochipa tiitztoc nohuaya hasta quema noja niitztoya iijtico nonana.
7 Miyac san nechtachilíaj pampa quiitaj quenicatza techmocuitahuía.
8 Semilhuit nimitzpaquilismacas huan nimitzhueyimatis por nochi cati techchihuilijtoc.
9 Amo techtahuelcahua ama quema ya nihuehuentzi huan ayecmo nijpiya fuerza.
10 Pampa nocualancaitacahua nechejelnamiquij,
11 Huan quiijtohuaj:
12 ¡Toteco Dios, amo ximohuejcachihua ten na!
13 Xiquinpinahualti huan xiquintzontamilti nopa nocualancaitacahua cati quinequij nechchihuilise cati fiero.
14 Pero na más nimotemachis ipan ta para techpalehuis.
15 Nochi masehualme niquinilhuis para san ta ticuali huan niquinpohuilis quenicatza techmanahuijtoc,
16 Nochi tonali ninejnemi ica nopa chicahualisti cati techmaca, TOTECO, ta cati tinoDios.
17 ¡Toteco Dios, ta techpalehuijtoc hasta quema noja nieliyaya niconetzi!
18 ¡Toteco Dios, ama quema ya nihuehuentzi huan nitzonchipahuac,
19 Toteco Dios, mochicahualis huan cati xitahuac tijchihua onajsi hasta ilhuicac.
20 Ta techcahuilijtoc ma nijpano huejhueyi taohuijcayot huan tequipacholi.
21 Huan huajca achi más techhueyitalis huan sempa techyoltalis.
22 Huan na nimitzpaquilismacas ica tatzotzonali ten arpa huan guitarra.
23 Ica paquilisti nitzajtzis huan nihuicas para niteilhuis quenicatza techmaquixtijtoc.
24 Semilhuit nitepohuilis para ta tijchihua cati xitahuac,