1 Cuali xijtacaquilica ya ni,
2 Nocamanal elis para nochi.
3 Nicamanaltis ica talnamiquilisti.
4 Achtohui nimechilhuis se tatzintoquili cati totalnamijca huejcapan tatahua quiijtojque,
5 ¿Para ten monequi nimomajmatis quema hualas taohuijcayot,
6 Inijuanti motemachiyaj ipan inintomi,
7 Pero yon se ten inijuanti amo huelis momaquixtis ten itajtacolhua,
8 Pampa tonemilis eltoc se tamanti cati miyac ipati.
9 ¡Amo! Amo aqui huelis quicohuas inemilis para itztos para nochipa huan para amo quema miquis.
10 Nochi masehualme miquise.
11 Inijuanti moilhuíaj itztose para nochipa,
12 Pero se masehuali amo huejcahuas masque nelía tominpixtoc,
13 Nochi masehualme cati motemachijtoque san ipan inijuanti iniselti,
14 Nopa masehualme miquise quej miquij borregojme.
15 Pero Toteco Dios nechmaquixtis ten ichicahualis miquilisti huan nechhuicas ihuaya.
16 Amo ximotequipacho sinta se masehuali moricojchihua,
17 Pampa quema miquis amo teno huelis quihuicas.
18 Masque se masehuali itztos ica paquilisti quema noja yoltoc,
19 ajsis se tonali quema miquis quej ihuejcapan tatahua,
20 Se masehuali cati moricojchijtoc,