1 Nochi anmasehualme ximomatajtatzinica.
2 Pampa TOTECO yaya cati más hueyi huan temajmati.
3 Quintzontamilti pilaltepetzitzi toixpa huan quitalijtoc nochi talme tomaco para tiquinnahuatise.
4 Yaya quitapejpenijtoc ni tali para techaxcatis.
5 Toteco Dios tejcotoc campa tanahuatía.
6 Xihuicaca tiohuicat para tijpaquilismacase Toteco Dios.
7 Toteco Dios, yaya nopa tanahuatijquet cati quinahuatía nochi ni taltipacti.
8 Toteco Dios mosehuijtoc ipan isiyaj tatzejtzeloltic,
9 Nopa huejhueyi masehualme cati quipiyaj tanahuatili ipan campa hueli tali ipan ni taltipacti mosejcotilíaj tohuaya.
10 Iaxca ya nochi tanahuatiani huan inisoldados campa hueli ipan taltipacti,