1 Toteco Dios ya totamanahuijca huan tochicahualis.
2 Yeca amo timajmahuise masque ni taltipacti tamisosolihuis,
3 Masque ajcahuacatos nopa hueyi at huan posonis miyac,
4 Oncas se atajti cati quinmacas paquilisti inijuanti cati itztose ipan ialtepe Toteco.
5 Toteco Dios itztoc ipan nopa altepet,
6 Masque tahuejchihuaj masehualme ipan campa hueli talme cati amo quiixmatij Toteco,
7 Toteco Dios cati quinyacana nopa miyac millones iilhuicac ejcahua para tatehuitij itztoc tohuaya.
8 Xihualaca xiquitaquij nochi nopa huejhueyi tamanti cati TOTECO quichijtoc.
9 Yaya quitamiltía nochi tatehuilisti hasta campa ontantoc nochi taltipacti.
10 Huan yaya quiijtohua:
11 Itztoc tohuaya TOTECO cati quinyacana nopa miyac millones iilhuicac ejcahua para tatehuitij.