1 ¡TOTECO! Na nitanahuatijquet,
2 Techmacatoc cati noyolo quinequiyaya.
3 Techmacatoc miyac tatiochihualisti, huan techicpahuiltijtoc se corona cati senquisa oro.
4 Nimitztajtani techcahuili ma huejcahuas niitztos,
5 Techpalehuijtoc ma nitatani miyac ica mohueyi chicahualis.
6 Techtiochijtoc ica cati huejcahuas para nochipa,
7 Na nitanahuatijquet nimotemachía ipan ta, TOTECO.
8 TOTECO, ica mochicahualis tiquinajsiti nochi mocualancaitacahua.
9 Quema timonextis, inijuanti tatase moixpa quej itztosquíaj ipan se horno cati xahuantoc.
10 Tiquintzontamiltis hasta ininconehua huan iniixhuihua.
11 Masque masehualme cati amo cuajcualme mitzcualancaitaj huan quisencahuaj cati amo cuali mitzchihuilise,
12 Inijuanti moicancuepase para cholojtehuase quema quiitase para tiquinmelaita ica mocuahuitol para tiquintehuis.
13 Timitzhueyimatij, TOTECO,