1 Nochi nonemilis huan para nochipa nimitzhueyimatis tinoTeco huan tinotanahuatijca.
2 Mojmosta nimitzhueyichihuas.
3 Nelía tihueyi, TOTECO, huan quinamiqui ma timitzhueyimatica nochi timasehualme.
4 Nochi coneme cati moscaltijtiyase quielnamiquise cati tijchihua,
5 Na san nimoyolilhuis ten moyejyejca huan mohueyitilis,
6 Masehualme camanaltise ten nopa huejhueyi tamanti cati tijchijtoc.
7 Nochi masehualme ipan taltipacti camanaltise para nelía ticuali huan hueyi moyolo.
8 TOTECO, hueyi moyolo huan tahuel titetasojta.
9 TOTECO ta cuali moyolo ica nochi masehualme huan motaicnelijcayo monextía ipan sesen tamanti cati tijsencajtoc.
10 TOTECO, nochi tojuanti cati ta techchijchijtoc timitztascamatij.
11 Tojuanti sentic timocamanalhuise ten ihueyitilis motanahuatilis campa ta titanahuatía,
12 Titepohuilise ten nopa huejhueyi tiochicahualnescayot cati tijchijtoc,
13 Pampa motanahuatilis amo quema tamis.
14 Ta TOTECO tiquintanana nochi cati huetzij,
15 Nochi masehualme ipan taltipacti mitztemohuaj,
16 Ta ica momax tiquintiochihua nochi cati yoltoque,
17 TOTECO quichihua san cati xitahuac,
18 TOTECO itztoc ininechca nochi cati quitzajtzilíaj.
19 Yaya quinmaca cati quinequij nochi masehualme cati quiimacasij huan quitepanitaj.
20 TOTECO quinmocuitahuía nochi cati quiicnelíaj,
21 Nijpaquilismacas TOTECO ica nocamac.