1 Ma nochi quipaquilismacaca TOTECO cati nechtatía para amo nechajsise nocualancaitacahua.
2 Yaya nechtasojta huan yaya nechpixtoc campa temachti.
3 TOTECO, ¿taya topati timasehualme para toca timocuatotonía?
4 Pampa tonemilis san panotehua quej se ajacat huan quej se ecahuili.
5 TOTECO, xijcuilpacho nopa ilhuicacti huan xitemo techpaxaloqui.
6 Xijtitani tapetanilot quej elisquía cuataminti,
7 Hasta ten nepa ilhuicac xijxitahua momax huan techmaquixti.
8 Inijuanti san quinpactía istacatise.
9 NoTeco Dios, na nihuicas huicat cati yancuic,
10 Pampa ta cati tiquinchihua ma tatanica tanahuatiani.
11 Nojquiya techmaquixti huan techmanahui inimaco nocualancaitacahua,
12 Xijchihua para totelpocahua ma elica tejtetique huan huejcapantique quej cuame cati cuajcualtzi moscaltíaj.
13 Xijchihua para tocoxtalhua ma temica ica miyac tamanti pixquisti.
14 Xijchihua totorojhua ma quipiyaca miyac chicahualisti para tequitise.
15 Quena, nelía paquij nopa masehualme ipan se altepet cati quej ni eltoc,