1 Nelía paquij nochi cati monejnemiltíaj xitahuac,
2 Paquij nopa masehualme cati quitemohuaj TOTECO ica nochi iniyolo huan quichijtinemij cati yaya quiijtohua.
3 Pampa inijuanti amo quichihuaj cati amo cuali.
4 Ta techmacatoc motanahuatilhua para ma tijchihuaca cati quiijtohuaj.
5 ¡Tahuel nijnequisquía nijchijtinemis senquisa cati techyolmelajtoc ma tijchihuaca!
6 Quej nopa amo nipinahuasquía sinta niquinchijtinemis nochi motanahuatilhua.
7 Na nimitztascamatis ica nochi noyolo quema ya nijmachilis nochi motamachtilhua cati xitahuac.
8 Na nijchihuas nochi cati techyolmelajtoc ma tijchihuaca ipan tonemilis.
9 ¿Taya monequi quichihuas se telpocat para itztos tapajpactic moixpa, TOTECO?
10 Na ica nochi noyolo nimitztemojtoc, Toteco.
11 Ipan noyolo nicajoctoc nochi cati tiquijtojtoc,
12 TOTECO, ta cati nochi mitzhueyimatij,
13 Na nitepohuilijtoc nochi motamachtilhua cati ta techmacatoc.
14 Más nimopaquilismacatoc pampa ninemi ipan moojhui huan nijchihua cati ta tiquijtojtoc,
15 Nimoyolilhuis ten motanahuatilhua huan ninemis ipan nopa ojti campa quiijtohuaj ma ninejnemi.
16 Nimopaquilismacas ica cati techyolmelajtoc,
17 Na nimotequipanojca, techchihuili cati cuali.
18 Techixtapo para niquitas nopa huejhueyi tamachtilisti cati quipiya moley.
19 Na san nipaxalohua ipan ni taltipacti.
20 Ipan noyolo tahuel nijnequi nijchihuas nochi cati xitahuac quej quiijtohua motamachtil.
21 Ta tiquinajhua nopa taixpanoca masehualme cati mohueyimatij.
22 Amo xiquincahuili ma nechpinahualtica pampa na nijtepanita nochi cati ta tiquijtohua.
23 Hasta nopa huejhueyi tacame cati quipiyaj tequiticayot mosehuijque para nechejelnamiquise,
24 Pampa motajtol nechtaahuilía huan nechconsejomaca.
25 Nelía nimotequipachohua hasta nihuetztoc ipan taltepocti.
26 Na nimitzpohuili nochi cati nijsencajtoc nijchihuas huan ta techtacaquili.
27 Techchihua ma nijmachili nopa ojti cati ipan ninemis para niquintoquilis nochi motanahuatilhua.
28 Nichoca pampa tahuel nitaijyohuía.
29 Techpalehui mojmosta para amo niistacatis.
30 Na nijtapejpenijtoc nopa ojti cati melahuac,
31 Na nimotatzquilijtoc ipan motajtol huan nijchihuas cati quiijtohua.
32 Sinta techmacas noyolo cati cuali moixpa,
33 TOTECO, technextili quenicatza nijchihuas nochi cati techyolmelajtoc.
34 Techmaca talnamiquilisti huan nijchijtinemis nochi cati quiijtohua moley.
35 Techyacana ipan nopa ojti cati technextilía motanahuatilhua,
36 Xijchihua para más ma nijnequi motajtol huan amo tomi.
37 Techhuejcatali ten nochi tamanti cati amo cuali para amo niquixtocas.
38 Techmatilti na, nimotequipanojca, para temachti techmacas cati techtajtolcahuilijtoc,
39 Amo techcahuili ma niquinimacasi cati nechpinahualtíaj pampa nimitztepanita,
40 TOTECO, na tahuel nijnequi nijchihuas cati quiijtohuaj motanahuatilhua.
41 TOTECO, techtasojta huan techmaquixti ten nocualancaitacahua,
42 Quej nopa huelis niquinnanquilis inijuanti cati nechpinahualtíaj,
43 Amo techquixtili mocamanal cati melahuac huan amo techcahuili ma niquelcahua,
44 Na nijtepanitas moley mojmosta.
45 Ninemis nimajcajtoc pampa niquintemohua motanahuatilhua para nijchihuas cati quiijtohuaj.
46 Na niquinpohuilis motajtol tanahuatiani,
47 Na nimopaquilismacas ipan motanahuatilhua pampa tahuel niquinicnelía.
48 Nimomatananas para nijnextis notatepanitacayo por motanahuatilhua,
49 Amo quema xiquelcahua cati techtajtolcahuilijtoc techchihuilis na, nimotequipanojca,
50 Cati techtencahuilijtoc techchihuilis nechyoltalía quema nimopantía ipan taijyohuilisti.
51 Nopa masehualme cati mohueyimatij nechpinajtíaj pampa nimitztepanita, Toteco,
52 TOTECO, na niquelnamiqui motamachtil cati huejcajquiya techmacac.
53 Nelía tahuel nicualani ica nopa taixpanoca masehualme cati quitahuelcahuaj moley.
54 Nochi cati techyolmelajtoc nechhualiquilijtoc paquilisti,
55 Ica tayohua nimitzelnamiqui, TOTECO,
56 Nijseli tahuel miyac tatiochihualisti pampa nijchijqui cati quiijtohuaj motanahuatilhua.
57 ¡TOTECO, san ta tinoaxca!
58 Ica nochi noyolo nijnequi motatiochihualis.
59 Nimotachili quenicatza nimonejnemiltiyaya
60 Quena, nimoisihuiltía para nijchihuas cati quiijtohuaj motanahuatilhua.
61 Miyac taixpanoca masehualme nechyahualojtoque para ma nitajtacolchihua inihuaya,
62 Tajco yohual nimijquehua para nimitztascamatis por motamachtil cati senquisa xitahuac.
63 Na niquinita quej nohuampoyohua nochi cati mitzimacasij huan mitztepanitaj,
64 ¡TOTECO, nochi taltipacti temitoc ica motaicnelijcayo!
65 ¡TOTECO, tahuel techchihuilijtoc cati cuali na, nimotequipanojca!
66 NoTeco, techchihua ma nijmachili cati cuali huan techmaca talnamiquilisti,
67 Achtohuiya quema ayemo techechcapantalijtoya para techtatzacuiltis,
68 Ta nelía ticuali huan tijchihua san cati cuali.
69 Nopa masehualme cati mohueyimatij nechistacahuijtoque,
70 Inijuanti huihuitique huan tzactoc inintalnamiquilis,
71 Nelía cuali para techechcapantali,
72 Para na más ipati moleyes huan amo millones ten oro huan plata.
73 TOTECO, ta ica momax tijsencajqui notacayo.
74 Nochi cati mitztepanitaj huan motemachíaj ipan ta,
75 TOTECO, na nijmati para motamachtil senquisa xitahuac.
76 Huajca ama techyoltali ica moteicnelijcayo,
77 Techyahualo ica motaicnelijcayo para ma niyolto,
78 Ma huetzica ipan pinahualisti nopa masehualme cati mohueyimatij,
79 Ma sempa mosentilica nohuaya nopa masehualme cati mitzimacasij huan mitztepanitaj,
80 Xijchihua para noyolo ma monejnemilti xitahuac ipan nochi cati techyolmelajtoc.
81 Na nitapolosnequi pampa nijchiya para techmaquixtis ten nocualancaitacahua,
82 Noixteyolhua siyahuij pampa quinequij quiitase ma pano nochi cati techtajtolcahuilijtoc para tijchihuas.
83 Ya nihuehuentzi huan nitzocoyolijtoc quej se cuetax bolsa cati quitalijtoque campa pocti,
84 ¿Quesqui tonali monequi nijchiyas para tiquintatzacuiltis cati nechtoquilijtinemij?
85 Nopa masehualme cati mohueyimatij huan cati quicualancaitaj moleyes quichijtoque se hueyi ostot para ma nimasi.
86 Techpalehui, pampa motanahuatilhua senquisa xitahuac,
87 San quentzi nechixpolihuiltisquíaj,
88 Pampa hueyi moyolo, techcahuili ma niitzto.
89 TOTECO, mocamanal eltos temachti para nochipa nepa ilhuicac.
90 Mojmosta ta titemachti huan tiitztos temachti ica nochi cati tacactiyase para nochipa.
91 Nochi tamanti mocahua campa tiquinnahuati ma eltoca hasta ama ni tonal.
92 Sinta amo nimopaquilismacatosquía ipan moley,
93 Amo quema niquinelcahuas motanahuatilhua,
94 Na nimoaxca, techmaquixti pampa nochipa nijchijtinentoc cati quiijtohuaj motanahuatilhua.
95 Masque nopa taixpanoca tacame motatise ipan ojti para nechtzontamiltise,
96 Nochi tamanti cati más cuajcualtzi niquitztoc canque ontami,
97 ¡Tahuel niquicnelía moley!
98 Motanahuatilhua nechchijtoque más nitalnamiqui que nocualancaitacahua.
99 Quena, achi más nitalnamiqui hasta niquintani inijuanti cati notamachtijcahua,
100 Na más nijmachilía que nopa huehue tacame,
101 Amo quema nijnectoc nijtoquilis se ojti cati amo cuali,
102 Amo nimohuejcatalijtoc ten motamachtil,
103 Nijmati nelía ajhuiyac mocamanal.
104 Motanahuatilhua nechmacaj talnamiquilisti.
105 Mocamanal eltoc quej se taahuili cati quitaahuilía noojhui campa ninejnemi para amo nimotepotanis.
106 Se huelta nitatestigojquetzqui,
107 TOTECO, nechca eltoc para nimiquis inimaco nocualancaitacahua.
108 TOTECO, nimitztajtanía xijseli nopa tascamatili cati nimitzmaca quej se tacajcahualisti.
109 Mojmosta nimopantía campa mahuilili para nonemilis,
110 Nopa taixpanoca masehualme quitalíaj taquetzti para ma nimasi huan nihuetzis ipan tajtacoli,
111 Na san nimoaxcatijtoc motajtol,
112 Ica nochi noyolo nijchihuas cati quiijtohuaj motanahuatilhua nochipa hasta nimiquis.
113 Amo nijnequi niquinitas masehualme cati quichihuaj ome inixayac.
114 Ipan ta nimotatía para amo nechcocose nocualancaitacahua huan ipan ta nimomanahuía.
115 Ma nechtalcahuica nopa masehualme cati fiero inintalnamiquilis.
116 Huajca noTeco, techmaca yancuic fuerza senquisa quej techtajtolcahuili.
117 Techfuerzajmaca para nimomaquixtis inimaco nocualancaitacahua,
118 Ta tiquinhuejcamajcajtoc nochi cati quitahuelcahuaj cati techyolmelajtoc.
119 Nochi masehualme cati quinpactía tajtacolchihuaj ipan ni taltipacti tiquinita quej itetejtzo teposti cati mocahua quema tijmolonía para tijtapajpacchihuas.
120 Nochi notacayo huihuipica pampa mitzimacasi huan mitztepanita, Toteco.
121 Na nijchijtoc cati xitahuac huan cati melahuac moixpa.
122 Xitatestigojquetza para techtiochihuas na, nimotequipanojca.
123 Campa hueli nitachixtoc pampa nijchixtoc techmaquixtiqui ten nocualancaitacahua,
124 TOTECO, ipan motaicnelijcayo techchihuili cati cuali na, nimotequipanojca.
125 Na nimotequipanojca, techmaca talnamiquilisti,
126 TOTECO, ya ajsic tonali para timonextis huan tijchihuas cati tiquita para cuali.
127 Pero na más niquinicnelía motanahuatilhua huan amo quej oro cati senquisa cuali.
128 Pampa nochi motanahuatilhua nelía xitahuac.
129 Motajtol nelía cuajcualtzi, TOTECO,
130 Quema quiixtomaj mocamanal,
131 Yeca tahuel nijnequi niquixmatis más cati quiijtohuaj motanahuatilhua,
132 Techtachili huan techtasojta,
133 Techyacana ipan se cuali ojti ica mocamanal para amo nechtanis yon se taixpanoli.
134 Techmanahui ten nopa tacame cati mosisiníaj huan quinequij nechtaijyohuiltise.
135 Ma monexti moteicnelijcayo ipan moxayac quema techtachilía na, nimotequipanojca,
136 Tahuel nichoca pampa miyac masehualme amo quitepanitaj moley.
137 TOTECO, ta nelía tixitahuac huan nochi tatzacuiltili cati titemaca nojquiya xitahuac.
138 Nochi motajtol xitahuac huan temachti para ipan ma timotemachica.
139 Nelía nimotequipachohua huan nicualani,
140 Nochi moley nijyejyecojtoc huan niquitztoc para nelía tatzejtzeloltic.
141 Nelía niteicneltzi huan miyac amo quinequij nechitase,
142 Ta tijchihua cati xitahuac para nochipa huan moley senquisa melahuac.
143 Nopani huetztoc tequipacholi huan taijyohuilisti,
144 Motajtol nochipa xitahuac.
145 Ica nochi noyolo nimitztzajtzilía.
146 Na nimitztzajtzilía huan nimitzilhuía:
147 Nimijquehua ica ijnaloc quema ayemo quisa tonati,
148 Ica tayohua amo nicochi pampa san nimoyolilhuía ten nochi cati tiquijtojtoc techchihuilis.
149 Techtacaquili pampa titetasojta, TOTECO.
150 Nechca hualahuij nopa tacame cati mosisiníaj huan nechtepotztocatinemij.
151 Pero ta tinoTeco tiitztoc nonechca.
152 Hasta quema niitztoya nipilquentzi niquixmatqui motajtol,
153 Xijtachili notaijyohuilis huan techmanahui,
154 Quena, techtenpalehui huan techmanahui quej techtajtolcahuilijtoc tijchihuas.
155 Amo tiquinmaquixtis nopa masehualme cati amo mitztepanitaj.
156 TOTECO, ta tahuel techtasojta.
157 Miyac nocualancaitacahua nechtepotztocatinemij huan quichihuaj campeca para ma nimitzixpano,
158 Na niquincualancaita nopa tacajcayahuani,
159 Xiquita TOTECO, na tahuel niquinicnelía motanahuatilhua.
160 Nochi mocamanal senquisa melahuac.
161 Tacame cati quipiyaj tequiticayot nemij notepotzco para nechcocose masque amo teno niquinchihuilijtoc,
162 Na nimopaquilismaca ipan mocamanal quej se cati paqui miyac quema quipantijtoc cati tahuel patiyo.
163 Nijcualancaita nochi tamanti istacatili,
164 Nimitzhueyimati chicome huelta ipan se tonal,
165 Nochi cati quiicnelíaj moley quipiyaj miyac tasehuilisti ipan iniyolo,
166 TOTECO, tahuel nimochixtoc para techmaquixtis
167 Na nijneltoca motajtol huan niquicnelía ica nochi noyolo.
168 Na nijchihua cati quiijtohuaj motanahuatilhua huan motajtol,
169 TOTECO, xijtacaquili cati nimitztajtanía,
170 Xijtacaquili cati nimitztajtanía quema nimotatajtía,
171 Na nimitzpaquilismacas,
172 Nitepohuilis nochi cati tiquijtojtoc,
173 Ximocualtali para techmanahuis,
174 TOTECO, nijnequi techmaquixtiqui,
175 Techcahuili ma noja niitzto para nimitzhueyimatis.
176 Na nimocuapolojtoc quej se pilborregojtzi,