1 Ia Ikiavɨra Itir Godɨn ziam fɨ!
2 Ia enselba, ia bar moghɨrama an ziam fɨ!
3 Aruem ko iakɨnim, gua uaghan an ziam fɨ!
4 Godɨn Nguibar bar pɨn itim, nɨ uaghan an ziam fɨ!
5 Ikiavɨra Itir God mɨkemezɨ bizir kaba otifi!
6 A uabɨ mɨkemezɨ me uan danganibarama, otivigha iti.
7 Ia nguazimɨn itir biziba bar,
8 onɨmariba ko dagɨabar mɨn garir amozir ofɨzir ekiaba ko amoziba ko mɨgharir pɨziba ko
9 Ia mɨghsɨar ekiaba ko mɨghsɨar doziba,
10 ruarim ko nguibamɨn asɨziba bar moghɨra ko goaba ko kuaraziba,
11 Ia nguazir kamɨn itir atriviba,
12 gumazir igiaba ko amizir igiaba ko gumazir ghuriba ko boriba,
13 Bar guizbangɨra, Ikiavɨra Itir God, an ziam bar ekevegha gumazamizibar ziaba bar dagh afira,
14 A bar Israelia gifonge.