1 Nan boriba, kɨ ian afeziam, ia bar deraghvɨra nan aghuzir akam baragh,
2 Aghuzir akar kɨ ia ganɨdir kam, a bar dera,
5 Nɨ nɨghnɨzir aghuim ko fofozir aghuiba inigh.
6 Nɨ nɨghnɨzir aghuim ataghɨraghan markɨ.
7 Nɨghnɨzir aghuim, a bar bizibar faraghavɨra iti.
8 Nɨ nɨghnɨzir aghuim gifuegh pamtemɨn an suiragh,
9 A kurukazir aghuimɨn mɨn nɨn dapanimɨn ikɨ,
10 Nan borim, nɨ bar deraghvɨra nan akam baragh,
11 Kɨ nɨghnɨzir aghuimɨn nɨn sure gami,
12 Nɨ tuavir kamɨn mangɨtɨ,
13 Aghuzir akar aghuim, a nɨn ikɨrɨmɨrimɨn mɨngarim.
14 Nɨ gumazir kurabar tuavimɨn mangan markɨ,
15 Egh nɨ bar moghɨra tuavir kam gitagh, akɨrim a gasaragh
16 Gumazir kuraba arazir kuratam damusɨ nɨghnɨgh egh dakuighan kogham.
17 Arazir kuram ko arazir gumazir igharaziba paza me gamim,
20 Nan borim, nɨ deraghvɨra kuarim atɨgh
21 Nɨ akar kam deraghvɨram an suiragh.
22 Nɨ nan akam inigh, eghtɨ akar kam ikɨrɨmɨrir aghuim nɨ danɨngtɨ
23 Ezɨ nɨghnɨzir aghuir nɨn ikɨrɨmɨrim akakazim, a nɨn nɨghnɨzimɨn otifi.
24 Nɨ akar ifavariba ko akar kurabav mɨkɨman markɨ.
25 Nɨ tuavir nɨ mangamimra deraghvɨram an gan.
26 Nɨ faragh deragh nɨghnigh, egh gɨn mangɨ bizibar amu.
27 Nɨ zuir tuavir aghuim, nɨ anetaghɨraghan markɨ.