1 Maia! Kɨ uabɨn apangkufi.
2 Gumazir aghuitam nan kantrin aven itir puvatɨ.
3 Gumazamizir bar arazir kurabagh fogha dagh amiba,
4 Ezɨ gumazir igharaziba ghaze me deragha arazir aghuibagh ami,
7 Ezɨ kɨ uabɨ, nɨghnɨzir gavgavim Ikiavɨra Itir Godɨn ikɨ a mɨzuamam.
8 Eghtɨ en apaniba aghumsɨzir akabar e damuan kogham.
9 E datɨrɨghɨn Ikiavɨra Itir Godɨn damazimɨn arazir kuram gami.
10 Apaniba faragha kamaghɨn e mɨgɨa ghaze,
11 Ia Jerusalemɨn gumazamiziba, ia gɨn nguibar ekiamɨn dɨvaziba uam adar ingaramin.
12 Dughiar kamɨn nɨn gumazamizir kantrin igharazibar kalabusɨn itiba, me uamategh tintinibar izam.
13 Ezɨ kantrin kabar gumazamiziba bar arazir kurabagh ami.
14 O Ikiavɨra Itir God, nɨ gumazamizir ua bagha mɨseveziba, nɨ me eghuvir gumazimɨn mɨn ikɨ,
15 Ikiavɨra Itir God akam ikaragha ghaze:
16 Eghtɨ kantrin igharazir gavgaviba itiba,
17 Egh me fogh suam, me gavgaviba bar puvatɨ,
18 O Ikiavɨra Itir God, ua godɨn igharazitam nɨn mɨn itir puvatɨ.
19 Nɨ uam en apangkufigh.
20 Egh nɨ uan akaba bar dar gɨn mangɨva, zurara Israelia en apangkufigh.