1 Egha Elifas ua kamaghɨn mɨgɨa ghaze:
2 Gumazitam onganigh nɨghnɨzir aghuim puvatɨgh arazir aghuim damuan koghɨva,
3 Kɨ gari, gumazir onganir arazir kurabagh amiba, me deraghavɨra uan danganibar iti,
4 Eghtɨ men boriba deravɨra ikiamin tuaviba puvatɨgham.
5 Gumazamizir dagheba puvatɨgha kuariba pɨriba,
6 E fo, arazir kuraba ko osɨmtɨziba, daghebar mɨn nguazimɨn anagav otivir puvatɨ.
7 E gumazamiziba, e uari osɨmtɨzir e bativibar mɨngariba.
8 Egha Elifas mɨgɨa ghua ghaze:
9 A dɨgavir kuram gamir bizibagh amima e da tuisɨghan asa.
10 An amozim amadima,
11 A ziar ekiaba, ziaba puvatɨzir gumazamizibagh anɨdi.
12 “Ifavaribagh amir gumazamiziba,
13 Gumazamizir maba pazɨ igharaz darazir amuasa, arazir kurar guar avɨribagh nɨghnɨsi,
14 Men nɨghnɨziba bar davdavizɨ, me bizitam damighan kogham.
15 Ezɨ God gumazamizir biziba puvatɨzibar akurvasi.
16 Kamaghɨn, onganarazibagh amir gumazamiziba nɨghnɨzir gavgavim Godɨn ikia, uarir akurvaghasa a mɨzua iti.
17 “Nɨ oragh. Godɨn Gavgaviba Bar Itim, gumazitamɨn arazim akɨrmɨghtɨ, gumazir kam, a bar akongegham.
18 E fo, God osɨmtɨzim ko mɨzazim gumazitam danigh,
19 Dughiar bar avɨriba, a nɨn gantɨ, nɨ osɨmtɨzimɨn aven ikɨtɨ, a nɨn akuragham.
20 Eghtɨ mɨtiriar ekiamɨn dughiamɨn, a dagheba nɨ danɨngtɨ, nɨ deraghvɨra ikiam.
21 “Apaniba akar ifavaribar nɨn ziam gasɨghasɨghsɨ damutɨ, God nɨn akuraghtɨ, men akaba nɨ abɨraghan kogham.
22 Mɨtiriar ekiamɨn dughiam ko dughiar kuramɨn, God nɨ geghuvam, eghtɨ nɨ navir aghuim ikɨ bar akuegham.
23 Egh nɨn azenir nɨ ingarim, dagɨatam an aven ikian kogham.
24 Eghtɨ nɨ fogham, nɨn biziba bar deraghvɨra iti,
25 Nɨ uaghan kamaghɨn fogham, nɨn boriba bar avɨrasemegham.
26 Egh nɨ gavgavigh ikɨ mangɨ bar ghurighɨva, ovegham,
27 Jop, nɨ oragh. E deravɨra bizir kabagh nɨghnigha kamaghɨn fo, da bar guizbangɨra.