1 Ikiavɨra Itir God amɨnir ekiam ko amozimɨn aven ikia kamaghɨn Jopɨn akam ikaragha ghaze:
2 “Jop, nɨ nɨghnɨzir aghuim ko fofozim puvatɨ.
3 Nɨ datɨrɨghɨn guizɨn gumazimɨn mɨn tugh.
4 “Jop, dughiar kɨ nguazir kamɨn ingara egha gavgavim an mɨngarim ganɨdimɨn, nɨ managh ike?
5 Tinara, deraghvɨra nɨghnigha nguazir kamɨn mɨtaghniaba arɨki?
6 Gavgavim nguazir kam danɨngamin guarir akɨniba, managh mɨtivighav iti?
7 Ingangarir kam otozir dughiamɨn, mɨkoveziba an ganigha bar akongegha ighiabagh amima,
8 “Dughiar ongarim nguazim abigha azenan otogha anadimɨn,
9 Dughiar ongarim igiamram otozimɨn, kɨrara ghuariaba isa, anevara,
10 Kɨrara ongarimɨn mɨtaghniam atɨgha, an mɨriabar dɨvazir gavgavibar mɨn a da ase,
11 Kɨ ongarim mɨgɨa ghaze,
12 “Jop, nɨ ti pura mɨgeima amɨnim tira?
13 Mɨtarmem mati inir mɨtiar ekiamɨn mɨn dɨmagarimɨn nguazim ave,
14 Mɨzarazimɨn, aruem angazangarim bizibagh anɨdima da bar azenara iti,
15 Aruemɨn dughiam, gumazir kuraba mɨtatemɨn uan arazir kuraba amir puvatɨgha,
16 “Jop, nɨ ti ongarir dɨkɨnim giraghugha, an ganiz o?
17 Oveaghuezibar Nguibar mɨtarmemɨn aven itim,
18 Nguazir kam bar ekefe, ezɨ nɨ ti an mɨtaghniaba bar dagh fogha mati?
19 “Jop, nɨ managh mangɨva, angazangarim otivir danganim bativam?
20 Nɨ angazangarim ko mɨtarmem mangamin tuavim,
21 Jop, kɨ angazangarim ko mɨtarmemɨn ingaramin dughiam, nɨn amebam ti nɨ bategha gɨfa.
22 “Jop, nɨ ti ghua ais ko aisɨn amozim itir danganimɨn ganiz o?
23 Kɨ dar ingarizɨ, da pazɨ gumazir igharaz darazi damu, me mɨsoghamin dughiam mɨzuai.
24 Tuavir onɨmarim taghtagha tintinibar zuim, nɨ ti a gɨfo,
25 Tinara amozir ekiam bagha tuavim atɨzɨ, a nguazimɨn izaghiri?
26 Tina amozibagh amima,
27 Nguazir kam faragha pura iti, ezɨ temeba ko graziba an puvatɨ.
28 “Jop, dɨmagarimɨn ghuariam ko amozim ti afeziatam iti, o puvatɨ?
29 Ezɨ tina ais ko aisɨn amozimɨn amebar aning batezim?
30 Ais irir dughiamɨn dɨpaba gavgavigha dagɨabar mɨn iti.
31 “Jop, nɨ gavgavim ikɨ mɨkovezir taba akuvaghtɨ, da overiamɨn itir danganir vamɨran ikiam?
32 Mɨkovezir bɨzir kaba, nɨ ti tuavim dar akakagh,
33 Nɨ ti overiamɨn bizir a damuasa mɨkemezibagh fogham o?
34 “Nɨ ti ghuariabar dɨmtɨ, da nɨ baregh amozir ekiam amadaghtɨ,
35 Egh nɨ managh mangɨsɨ onɨmarim amangtɨ,
36 Aperiam otivamin dughiam,
37 Tina ghuariaba bar da mengamin fofozim iti?
38 Eghtɨ nguazimɨn mɨnemeniam ua porogh gavgavigham.”
41 Ezɨ kuarazir kotkotba, dagheba puvatɨgha puram arua dagheba burir dughiaba, ko men nguziba daghem bagha nan deir dughiaba,