1 पेकोरिर! मीट सामिना संगे जोळेम आताह्कु, मीवाङ तलोग़-तपेराङ पोल्लोने वरेम आस मन्ह्टु! अद्रम कीयनदे ओप्पिह्ता.
4 तपेरिर! मीवाङ पिलाङ-पेकोरिन उगस ओङ वानाह केमाटु, मति ओरिन सामिनाङ पोल्लोङ काग़्हचि, अविस्कने बुदि वेहचोर अय कीम्ह्टु.
5 ओर्युलतोरिर! इद बूमतगा मीवाङ माल्कालोर मनवालोरा पोल्लोते, वरेम आसि ताकाट. मीट किर्स्तुना पोल्लोतुन केंजिस मतप लेह्कान, ओरिह्क रेयिस मन्जि, बेरोर इनजोर मान ईसि, आपुना जीवाताहि ओरा पोल्लोतुन केंजिस ताकाटु.
6 सिरप ओर ऊळिह्पा, बेसता कबळ कीकन इनजोरेन, मीट कबळ केमाटु, मति माट किर्स्तुना ओर्युलतोरोम इन्जि, मीवा जीवाताहि देवुळता विचर मतप कीम्ह्टु.
7 लोकुरा सेवा कीयना लेह्का आयो, मति सामिना सेवा कीयना लेह्का, जिदते मीवा कबळतुन कीम्ह्टु.
8 ओर्युलतोग़ आयेग़, ओर्युल आयवोग़ आयेग़, तना कीयनद बेसता कबळता इसबते, देवुळि ओन्क बूति ईयग़ा इनजोर, मीट पुतिरे.
9 माल्कालोरिर! मीट वने मीवा ओर्युलतोरिन बेस-नेह्ना तासाटु. मीवा ओसो ओरा माल्काल पोग़ोन मन्ह्तोग़, ओग़ मोकम ऊळिस नेयम केवाल आयोग़ इदिन पुन्जि, ओरिन रेय्पिह कीयना, दगाङ ईयना, इद्रम केमाटु.
10 इंजेके आक्रिते इव पोल्लोङ रासिह्नन: बेरा लावता सामिनाहि, मीवा जीवातुह्क लाव दोर्कि.
14 इद्रमलेह्का तयर मन्ह्टु: (लळयतस्के सीपय्क बेस वितना इन्जि,)नंडटगा पेटा दोहतप लेह्कान, मीट देवुळता सेतेम पोल्लोतुन पोस ताकाटु.अर्युलतुन राका कीयलाहि, कचता जगा केग़तप लेह्कान, मीवा कर्तुळ मीक देयह्कना डावताहि राका कीयि.देवुळ ईतव वीस्राङ|alt="hma armor of god" src="HMA-Armor of God.jpg" size="col" ref="6:14-17"
15 किर्स्तु माक देवुळता संगे कलियिह कीतोग़, इद बेसता कबुरतुन नमिसि, सुकमते निच मन्ह्टु. सीपय्कनाङ काल्क बळ्स अनवाहु, बेस मेग़्किह कीस तासनव बूट्कना लेह्कान,(इद पोल्लो मीक मीवा विस्वसते कोदुर ईस अरयलाह एवो).
16 तम्क राका कीयलाहि सीपय्क बेरा डालि पोयह्तोर, अद्रमलेह्कान मीट विस्वसतुन पोस मन्ह्टु. देयह्कना मुक्यानाङ किसताङ कानिनलेह्काडाङ आय्डानाहि, मीवा विस्वसिये मीक राका कीस्ता.
17 सीपय्कु तमा तलातुन राका कीयलाहि कचता टोपि मुचिह्तोर, अद्रमलेह्काने देवुळि मीक गेल्सिह कीयनद पोल्लोतुन बेस-नेह्ना पोस मन्ह्टु.(देयह्कना मुक्याल मीवा अडम वास्ता अस्के, सीपय्क तमाङ तल्वर्क पोयतपु,) देवुळता पोल्लोतुन मीट वळ्ह्काटु, अद पोल्लो देवुळता जीवा मीक ईतद तल्वर आंदु.
18 अद जीवा मीक ताकिह कीयना लेह्का, अमेसा सबे पोल्लोनेनाह्कु, पार्तना कीसि देवुळतुन वेहाटु. देवुळता मन्कलोर सबेटोरेनाह्क, आरेम आयवा पार्तना कीसोर मन्ह्टु.
23 मावोर विस्वसिरिर, मीक सबेटोरिह्क सुकम दोर्कि! देवुळबाबाल ओसो येसुसामि किर्स्तु मीक ओर्विह्क-ओर्वोग़ जीवा कीयनाह, किर्स्तुनगा विस्वस ताससोरेन मनदनाह कीयिर.
24 मावा येसुसामि किर्स्तुन रोमवालेवा जीवा केवालोर सबेटोरा पोग़ोन देवुळि देय्वा ईयि.