1 Kia whai taringa mai, e ngā rangi, ā, ka kōrero ahau;
2 Ka kōpatapata iho tāku whakaako, ānō he ua,
3 Nō te mea ka kauwhautia e ahau te ingoa o Ihowā;
4 Ko te Kāmaka, tika tonu tāna mahi;
5 Kua mahi rātou i te kino ki a ia,
6 Ko tā koutou utu ianei tēnei ki a Ihowā,
7 Kia mahara ki ngā rā onamata;
8 I tā te Runga Rawa whakaritenga kāinga mō ngā iwi,
9 Ko tō Ihowā wāhi hoki, ko tāna iwi;
10 I kitea ia e ia ki te whenua koraha,
11 Ānō he ēkara e whakakorikori ana i tāna ōhanga,
12 Nā Ihowā anake ia i ārahi,
13 Nāna hoki ia i whakaeke ki ngā wāhi tiketike o te whenua, hei hōiho mōna,
14 i te pata o te kau, i te waiū hipi,
15 Nāwai ā ka whai kiko a Iēhuruna, ā, whana mai ana;
16 Nā rātou i mea kia hae ia ki ngā atua kē,
17 Ko ā rātou patunga tapu i tāpaea e rātou mā ngā rēwera, ehara nei i te Atua,
18 Ko te Kāmaka i whānau ai koe ka wareware i a koe,
19 Ā, ka kite a Ihowā, nā anuanu ana ia ki a rātou,
20 Nā, ka mea, “Ka huna ahau i tōku mata i a rātou,
21 Nā, rātou ahau i mea kia hae ki te mea ehara i te Atua;
22 Ka ngiha hoki te ahi i ahau e riri ana,
23 “Ka opehia e ahau ngā kino ki runga ki a rātou;
24 Ka hemo rātou i te matekai,
25 Ko te hoari ki waho whakamate ai,
26 I mea ahau, ‘Ka whakamararatia rātou e ahau ki tawhiti,
27 Me i kāhore ahau te wehi i te ngākau kino o te hoa whawhai,
28 He iwi whakaarokore hoki rātou,
29 Ē, me i tūpato rātou, me i mōhio ki tēnei,
30 Me pēhea e whai ai te kotahi i te mano,
31 Nō te mea ehara tō rātou kāmaka i te pēnei me tō tātou Kāmaka,
32 Nō te mea ko ā rātou wāina nō te wāina o Horoma,
33 ko tā rātou wāina ko te hūwhare whakamate o ngā tarakona,
34 “Kāhore ianei tēnei i rongoātia ki roto ki ahau,
35 Māku ngā utu e rapu, māku hoki e ea ai,
36 Nō te mea ka whakatika a Ihowā i tā tāna iwi,
37 Ā, ka mea ia: “Kei hea ō rātou atua,
38 i kai nei i te ngako o ā rātou patunga tapu,
39 “Nā titiro, ko ahau, inā ko ahau ia,
40 Nō te mea e totoro atu ana tōku ringa ki te rangi,
41 ki te whakakoia e ahau tāku hoari kānapanapa,
42 Ka whakahaurangitia e ahau āku pere ki te toto,
43 Kia hari tahi, e ngā tauiwi, me tāna iwi:
44 Nā, ka haere mai a Mohi, ka kōrero i ngā kupu katoa o tēnei waiata ki ngā taringa o te iwi, a ia, me Hohua, me te tama a Nunu.
45 Ā, ka mutu tā Mohi kōrero i ēnei kupu katoa ki a Īharaira katoa;
46 nā, ka mea ia ki a rātou: “Kia anga mai ō koutou ngākau ki ngā kupu katoa e kauwhautia atu nei e ahau ki a koutou i tēnei rā; hei whakahau atu mā koutou ki ā koutou tamariki kia puritia, kia mahia, ngā kupu katoa o tēnei ture.
47 Nō te mea ehara tēnei i te mea noa iho ki a koutou; ko tō koutou oranga hoki ia, ā, mā tēnei mea e roa ai ō koutou rā ki te whenua ka whiti atu nei koutou i Horano ki reira ki te tango.”
48 I kōrero anō a Ihowā ki a Mohi i taua tino rangi anō, i mea,
49 “E piki koe i tēnei maunga, i Aparimi, ki Maunga Nepo, i te whenua o Moapa, e anga atu ana ki Heriko; ka titiro atu ki te whenua o Kanaana e hoatu nei e ahau ki ngā tama a Īharaira hei kāinga;
50 ā, e mate koe ki runga ki te maunga e piki atu nā koe, ka kohia hoki ki tōu iwi; ka pērātia me Ārona, me tōu tuakana, i mate rā ki Maunga Horo, ā, kohia atu ana ki tōna iwi;
51 mō kōrua hoki i hara ki ahau i waenganui o ngā tama a Īharaira i ngā wai o Meripa, i Karehe, i te koraha o Hini; mō kōrua kīhai i whakatapu i ahau i waenganui o ngā tama a Īharaira.
52 Heoi, ka kite koe i te whenua i mua i tōu aroaro; otiia e kore koe e tae ki reira – ki te whenua e hoatu ana e ahau mō ngā tama a Īharaira.”