1 O Yooba, nio ko aŋbombo mboe mi aŋpakurkuru pa uraata ku boozomen ta iswe kembei nu urur lelem pa wal ku mi muŋaiŋai zin.
2 Ko aŋzzo ta kembei: Mbulu ku ta urur lelem pa wal ku mi muŋaiŋai zin, inako imbotmbot ma alok.
5 O Yooba, zin wal mburanŋan mi potomŋan ki kar saamba tiwidit urum pa uraata bibip ta kamam na.
6 Yooba, nu kadom asiŋ? Som. Pa nu lip pa koroŋ boozomen ta timbotmbot saamba na.
7 Nu mburom ilip kat pa zin wal mburanŋan mi potomŋan ta tiluplup zin su kerem uunu ta saamba a. Tanata timototo u mi timbesmbeeze pu.
8 Yooba, nu Anutu mburom keskeezeŋom. Merere toro sa kembei nu na som.
9 Nu ta mborro tai.
10 Mi muŋgu nu petepaala Rahab uteene ma imeete.
11 Saamba na koroŋ ku. Mi toono tomini, ina koroŋ ku men.
12 Nu ur toono ma ila imap su re uunu, mi ila imap su iwaara uunu.
13 Nu mburom keskeezeŋom.
14 Peeze ku, ina imender se mbulu ku ta urpewe pataŋana kizin tomtom mi kamam mbulu ndeeŋeŋana men.
15 Yooba, zin wal ta tiluplup zin pa suŋŋana, mi kalŋan izalla ma tipakurkuru na, menmeen zin.
16 Zin tiute mbulu ta kamam na.
17 Nu pombolmbol yam, tanata niyam ise mi zoyam iwe biibi.
18 O Yooba, nu itum ta pamender king tiam be iwe siŋgiao piam.
19 Zin wal ta tiurur lelen pa Anutu mi titoto mbulu kini na, muŋgu kat ni ipatooŋo zin pa mbulu tabe ni ikam. Iso pizin ta kembei:
20 Nio aŋdeeŋe mbesooŋo tio Dabit,
21 Nio kola aŋkiskisi mi aŋpombolmboli.
22 Ka koi sa ko irao ilip pini na som.
23 Pa nio ko aŋmuŋmuuŋgu pini mi aŋkazas ka koi bizin.
24 Nio ko aŋtoto sua ta aŋbuk pini na, mi aŋurur leleŋ pini. Mi ko irao aŋzemi na som.
25 Nio ko aŋkam ma toono kini iwe biibi. Ko ipera pa Tai Mediterenian,
26 Ni ko iso pio ta kembei: ‘Nu na nio Tamaŋ.
27 Mi nio ko aŋkami ma iwe lutuŋ muŋgamuŋga.
28 Nio ko aŋurur leleŋ pini ma alok.
29 Mi nio ko aŋpamender wal kini be tikam peeze pizin Israel.
30 Tamen, sombe popoŋana kini tipizil ndemen pa sua tio,
31 mi tirepiili tutu tio ta imbot pataaŋa kek na kembei koroŋ sorok,
32 nako aŋbalis zin pa zooroŋana kizin.
33 Tamen ko irao aŋtatke muŋaiŋana tio pa Dabit mi popoŋana kini na som.
34 Pa sua tana, irao aŋrepiili kembei koroŋ sorok na som.
35 Pa nio Merere potomŋoŋ. Tana sua ta aŋpombol ma imbol kek, nako imbotmbot ta kembei ma alok.
36 Sua ta kembei: Popoŋana kini ko irao timap na som.
37 Peeze kizin ko imbol ma imbotmbot kembei ta puulu.
38 Yooba, muŋgu nu so sua ta kembei. Tamen koozi nu ketem malmal biibi kat pa king ta itum roogi mi uri pa uraata na.
39 Sua mbukŋana ta kam pa mbesooŋo ku na, iŋgi nu reege kek.
40 Siiri bibip mi mbolŋan ta tiliu kar kini na, nu reege zin ma tisu lup.
41 Tana wal boozomen ta tiwwa len sorok ma timar na, tikemem len koroŋ kini.
42 Yooba, nu ta pombol king tiam ka koi bizin ma timaŋga pini mi tilip pini.
43 Mi pimiili Dabit zaaba kini ma imiili mini mi ipasaana itunu.
44 Tana koroŋ kini ndabokbokŋan ta zaana biibi pa na, nu tatke pini.
45 Ni naŋgaŋ kaibiim. Tamen nu kami ma isaana ma iwe kolman karau men.
46 O Yooba, ŋiizi na motom mar piam mini?
47 Yooba, lelem isaana piam.
48 Asiŋ ta irao imeete som mi imbot mataana iyaryaara men isu toono ti?
49 Yooba, muŋgu nu toto sua ku mbukŋana mi urur lelem pa wal ku. Tamen buri na, muŋaiŋana ku ila parei?
50 O Yooba, motom iŋgal yam mbesooŋo ku.
51 Yooba, re king ta itum roogi mi uri pa uraata na.
52 Tapakur Yooba pa kampeŋana kini totomen.