1 Ŋonoono kat, Anutu, ni ikamam mbulu ambaiŋana pizin Israel.
2 Nio ti, muŋgu kumbuŋ ikam ŋgiris, ma rimen mi aŋmel.
3 Pa aŋre mboti kizin wal sananŋan ta nin izze mi tipakurkur zitun na, ambai komboono.
4 Pa zin na, titum ma kulin iŋgeeze, mi timbot ambai men ma irao meeteŋana kizin.
5 Pataŋana ki toono ta ikamam iti tomtom na, indeŋdeeŋe zin som.
6 Mbulu kizin ta tipakurkur zitun ma nin izze sorok, ina tipamaala pizin tomtom kembei ta natabu i.
7 Tere zin na, keren indu. Pa tikam len mboti ambaiŋana kat. Tabe titum len ma tau!
8 Zin tirepilpiili zin tomtom, mi tiwirri sua sananŋana pizin.
9 Wal tana tipakurkur zitun. Pa Anutu ta imbot saamba na, tipasansaana sua pini.
10 Tabe tikamam ma Anutu wal kini tomini, titoto zin,
11 Mi tizzo ta kembei: “Aa, mbulu ta amkamam i, Anutu iute?
12 Kere kat kek? Wal sananŋan, mbulu kizin ta kembei.
13 Muŋgu nio aŋkam ŋgar ŋoobo ta kembei, tana aŋso pa ituŋ ma aŋso: “Ŋonoono kat. Mbulu tio ambaiŋana, ina aŋkamam sorok.
14 Mi iŋgi Anutu ikam yo ma aŋrre yoyouŋana pa mbeŋ ma aigule.
15 Anutu, ŋgar tio sananŋana tana, sombe aŋswe ma ipet mat,
16 Tana nio aŋkam ŋgar boozo kat pa mbulu ta iwedet pizin wal sananŋan, mi aŋrru ka ŋgar. Tamen aŋrao som.
17 Kaimer aŋlela urum ki Anutu mi aŋsuŋ.
18 Ŋonoono kat, nu ko ur zin la zaala sipirpirŋana,
19 Ko karau men mi pambiriizi zin.
20 Merere, nu sombe maŋga mi pambiriizi zin, nako timap kat.
23 Tamen nu zem yo som. Nu mbotmbot raama yo totomen,
24 Nu pazalzal yo be aŋto ŋgar ku.
25 Nio aŋkam ŋgar pa koroŋ toro sa ki kar saamba som. Nu itum tamen!
26 Sombe ŋgar tio ikamam be isaana mi mburoŋ izzu,
27 Zin wal ta so lelen imbot molo pu, nako tisaana ma tila len lup.
28 Mi nio, sombe aŋbot kolouŋana pa Anutu, na leleŋ ambai kat ma ilip.