1 Yooba, nio aŋpase pu be we ur pio mi menderkaala yo.
2 Nu ndeeŋeŋom. Tana uulu yo mi tatke yo pa pataŋana tio ti.
3 We seraara pa koŋ koi bizin, mi poroukaala yo pizin.
4 Anutu tio, tatke yo pa zin wal sananŋan naman.
5 Yooba, Merere tio, nio aŋurur motoŋ pu be uulu yo.
6 Nu ta pazal zaala pio, mi anaŋ ikam yo ma aŋsu.
7 Zin iwal tikamam ŋgar boozo pio. Pa uraata bibip ta kamam pio, ina izzwe mburom pizin.
8 Tana leleŋ ambai kat pu, mi kwoŋ ipakurkuru. Pa nu zom biibi mi ndabokŋom kat.
9 Tamen iŋgi aŋwe kolman kek, mi mburoŋ izzu.
10 Pa koŋ koi bizin tiluplup zin mi timburmbuuru koŋ be tipun yo ma aŋmeete.
11 “Aa, ni, Anutu ipizil ndemeene pini kek.
12 Tana Anutu, mbot molo pio pepe!
13 Zin wal ta tiŋgalŋgal sorok sua pio na, pamiaŋ zin mi pun zin ma timap.
14 Mi nio, nako aŋurur motoŋ pu mi aŋzza u be uulu yo.
15 Kwoŋ ko izzoyaryaara mbulu ku ndeeŋeŋana pizin tomtom.
16 Yooba, nu kamam uraata bibip mi mburanŋan. Tana aŋwe kwom mi aŋsoyaara uraata ku tana pizin tomtom bekena matan iŋgal.
17 Indeeŋe ta nio naŋgaŋŋoŋ, mi imar indeeŋe koozi na, nu zzo yo pa mbulu ku.
18 O Anutu, iŋgi aŋwe kolman ma momo isala uteŋ kek.
19 Anutu, mbulu ku ndeeŋeŋana, ina ilip kat. Isala ma isala ta saamba a.
20 Ŋonoono, nu kam yam Israel ma amre pataŋana boozomen, mi seeze motoyam.
21 Mi nio ta kembena. Nu ko pakur yo ma zoŋ iwe biibi mini.
22 Tonabe aŋse kombom mi aŋpakur zom.
23 Ko kalŋoŋ isala mi aŋbo mboe pakurŋana pu raama menmeen yo biibi.
24 Tana aigule ta boozomen, zoŋ ise ma ila zoŋ isula na, nio ko aŋzzoyaryaara mbulu ku ndeeŋeŋana ta kamam pizin tomtom na.