1 O Anutu, nu toto sua ku mbukŋana mi urur lelem pa wal ku.
2 Nio aŋpaŋoobo pa zaala ku, mi mbulu tio irao pa nu motom som. Tana pus yo pa sanaana tio ta boozomen,
3 Pa nio aŋkilaala zooroŋana tio kek.
4 Sanaana boozomen ta aŋkamam na, ina aŋkamam pa nu itum tau.
5 Indeeŋe ta anaŋ ipeebe yo ma aŋsu, mi imar indeeŋe koozi na, aŋpaŋobŋoobo pa zaala ku.
6 Anutu, nu lelem be aŋkam mbulu tio ta boozomen raama leleŋ, mibe aŋto sua ŋonoono men.
7 Ziiri sanaana tio ma ila lene. Naso leleŋ iŋgalaŋ.
8 Kam mbulu sa tabe iswe kembei: Nu reege sanaana tio kek. Naso leleŋ ambai mini mi menmeen yo.
9 Motom mbiriizikaala mbulu tio boozomen ta irao pa nu motom som na. Mbulu ta aŋkam ŋoobo na, mus ma ila lene.
10 Anutu, ur ŋgar popoŋana ta iŋgeeze men sula leleŋ, mi pombol yo.
11 Ziiri yo pa kerem uunu pepe.
12 Ulaaŋa ta muŋgu kakamam pio na, leleŋ be aŋre mini. Naso leleŋ ndabok kat.
13 Tonabe aŋpaute zin wal zorzooroŋan pa zaala ku.
14 Anutu, nu ulaaŋa tio.
15 Iŋgi koŋ miaŋ pa sanaana tio ma aŋmaane men. Tana paraurau kwoŋ be aŋso sua.
16 Anutu, sombe lelem be aŋpatoronu pa koroŋ sa, so aŋkam.
17 Pa patoronŋana ta nu lelem pa ilip, ina ta kembei: Bela aŋkoto ituŋ, mi leleŋ ipata pa sanaana tio.
18 Anutu, kampe kar Sion mi uulu wal ku.
19 Tonabe amkam mini patoronŋana tabe indeeŋe men pa nu motom.