1 Zin wal sananŋan ta timbotmbot ambai men na, kam ŋgar boozo pizin pepe.
2 Ko timbot rimen, to timetmeete kembei ta mbutmbuutu imelle.
3 Mi nu na, pase pa Yooba mi kam mbulu ambaiŋana men.
4 Mbeeze pini raama lelem ambai.
5 Ur itum ila Yooba namaana mi pase pini.
6 Mi ko iswe mbulu ku ndeeŋeŋana ma ipet kat mat, kembei ta zoŋ iyaara.
7 Sombe uraata kizin wal sananŋan iloondo ambai men, mi tiyo len koroŋ boozo pa zaala sananŋana,
8 Tana ketem malmal pepe, kam ŋgar boozo pizin pepe.
9 Pa wal sananŋan, Yooba ko ipambiriizi zin ma tila len.
10 Molo som to wal sananŋan ko timbiriizi ma tila len lup.
11 Mi zin wal ta tikototo zitun mi tipase pa Yooba, nako tikam matamur kini mi timbot pa toono ta ni ikam pa wal kini na.
12 Wal sananŋan timburmbuuru pa zin wal ndeeŋeŋan,
13 Tamen Yooba, ni iseeŋge pizin wal sananŋan.
14 Wal sananŋan tipas buza kizin be tikuruumu zin wal sorrokŋan mi zin wal ta len ulaaŋa sa som na.
15 Tamen buza kizin ko timiili pa zitun.
16 Sombe tomtom ndeeŋeŋana le koroŋ boozo som, na toŋgo.
17 Pa Yooba, ni ko ipunmeete wal sananŋan mburan.
18 Wal ambaimbaiŋan ta len uunu sa isaana som na, Yooba mataana pizin.
19 Sombe mazwaana ki pataŋana ipet, na zin ko timbot ambai.
20 Tamen wal sananŋan ko timbiriizi ma tila len.
21 Wal sananŋan tikamam mbun mi tikodot som.
22 Zin wal ta kampeŋana ki Yooba imbotmbot se kizin na, zan be tikam matamur kini, mi timbotmbot ambai su toono ta ni ikam pa wal kini na.
23 Yooba izzo iti tomtom pa zaala kini, mi ipombolmbol ti be toto.
24 Tomtom ta kembei, sombe itutkat kumbuunu, nako irao imel na som.
25 Indeeŋe ta nio naŋgaŋŋoŋ mi imar ma iŋgi aŋwe kolman i, na aŋre Yooba ipizil ndemeene pizin wal ndeeŋeŋan pasa zen.
26 Aigule ta boozomen wal ndeeŋeŋan tikampewe zin tomtom mi tikamam koroŋ pizin sorok. Mi tomtom pakan na tikamam mbun la kizin tomini.
27 Pizil ndemem pa mbulu sananŋana, mi kam mbulu ambaiŋana men.
28 Pa Yooba, ni leleene pa mbulu ndeeŋeŋana ilip.
29 Mi wal ndeeŋeŋan na, zin ko timbotmbot ambai su toono ta Yooba ikam pa wal kini na,
30 Sua ta iwedet pa tomtom ndeeŋeŋana kwoono na, izzwe i kembei ni tomtom ŋgarŋana.
31 Mi tutu ki Anutu imbotmbot la leleene mi ikamam peeze pini. Tana ni ko irao itop na som.
32 Wal ndeeŋeŋan na, zin wal sananŋan tizaŋzaaŋa zin
33 Tamen Yooba itunu ko iporoukaala zin. Irao izem wal kini ila kan koi bizin naman na som.
34 Tana ur nim, zza Yooba, mi to zaala kini.
37 Re la pa wal ndeeŋeŋan ta len uunu sa isaana som na, mi kam ŋgar pa mbulu ta iwedet pizin.
38 Tamen wal zorzooroŋan na, Yooba ko ipambiriizi zin ma timap kat.
39 Yooba, ni ulaaŋa kizin wal ndeeŋeŋan.
40 Pa zin tipase pini ma iwe ur pizin mi imenderkaala zin.