1 Nio aŋpakur Yooba. Pa ni ulaaŋa tio mbolŋana ta ipombolmbol yo mi imenderkalkaala yo.
2 Ni iurur leleene pio mi iporoukalkaala yo. Mi iwe kembei siiri mbolŋana pio be aŋke lela.
3 O Yooba, niam tomtom toono koyam na, koroŋ sorok.
4 Pa niam ambot rimen mi amap, kembei miiri ta iwedet pa kwoyam na.
5 Yooba, kaaga saamba mi su!
6 Kam ma lolo niini iwenweene mi iyaŋgwiiri koŋ koi bizin ma tiko leŋaleŋa.
7 Pa iŋgi kembei wo mburaanaŋana ikamam be isur yo ma aŋla leŋ i. Tana nomom su mi maata yo ma aŋse.
8 Wal tana, kwon pakamkaamŋan.
9 O Anutu, nio ko aŋbo mboe popoŋana pu,
10 Pa nu ta uluulu zin king tiam Israel ma tiliplip pa kan koi bizin.
11 Piŋgis zaaba pio, mi tatke yo pa zin wal ta timar pa toono toro na naman.
12 Lutuyam bizin ko titum ma tiwe bibip, kembei ke popoŋan.
13 Mi diditu tiam ko bokbok pa kini matakiŋa,
14 Mi makau tiam ta kembena. Mete sa ko irao ikam zin na som.
15 Zin wal ta so kampeŋana ta kembei imbotmbot se kizin, nako lelen ambai kat.