1 Leleyom ambai pa Yooba mi kapakuri. Pa ni ambaiŋana kat.
2 Leleyom ambai pa Anutu mi kapakuri. Pa ni ilip pa merere ta boozomen.
3 Leleyom ambai pini mi kapakuri. Pa ni ta Merere biibi ŋonoono. Ilip pa merere ta boozomen.
4 Ni itutamen ta ikamam uraata bibip ta ipa ndel kat.
5 Muŋgu ni iur saamba ramaki ka koroŋ ta boozomen. Uraata tana iswe i kembei ni le ŋgar biibi.
6 Mi iur toono ma imbot se yok ŋwaana.
7 Ni ta iur koroŋ bibip sala maŋaanaŋana be tiur mat piti.
8 Iur zoŋ be iyaara pa aigule.
9 Mi iur puulu ramaki pitik be tiyaara pa mbeŋ.
10 Ni ta ikasgeege zin pikin muŋgamuŋga kizin Aikuptu.
11 Mi itatke zin Israel pa zin Aikuptu kan naman.
12 Uraata tana, ni ikam raama mburaana biibi. Pa ni mbura keskeezeŋana.
13 Ni ikam ma tai siŋsiŋŋana imet ma iwe ru, mi toono raraazaŋana ipet.
14 Mi iyaaru zin Israel ma tipa pa toono raraazaŋana ta imbot tai lukutuunu na, mi tilae mbaaga.
15 Mi igiibi king kizin Aikuptu ziŋan zin malmal kan kini sula Tai Siŋsiŋŋana, ma tiwin katkat tai ma timetmeete.
16 Ni imuŋmuuŋgu pa wal kini ma ziŋan tiwwa pa lele bilimŋana.
17 Ni ikasgeege zin king mburanŋan.
18 Ni ipun zin king zanŋan ma timetmeete.
19 Ipun Sihon ta king kizin Amor na ma imeete.
20 Mi ipun Og, ta king ki Basan na, ma imeete.
21 Mi ikam toono kizin pa wal kini Israel ma iwe len.
22 Ikam toono tana pa zin Israel ta mbesooŋo kini na, ma iwe len be timbotmbot pa, mi iseeŋge iseeŋge ma ila.
23 Indeeŋe niam ambot ŋoobo kat na, ni mataana mbeleele yam som.
24 Ni itatke yam pa koyam koi bizin naman.
25 Ni ta ipututu koroŋ matan yaryaaraŋan ta boozomen.
26 Tana leleyom ambai pa Anutu ta imbot saamba a, mi kapakuri!