1 Ziŋoi ta lelen ambai mi kampeŋana biibi imbotmbot se kizin?
2 Pa zin tomtom tau matan iŋgalŋgal zaala ta Anutu iur pa wal kini na, mi titoto ka tutu,
3 Pa zin tikamam ŋoobo mbulu sa som,
4 Yooba, sua boozomen ta nu kam piam na,
5 Nio leleŋ ilip be aŋkam tutu ku ta tibeede pataaŋa kek na, ma imbol pio,
6 Pa sombe motoŋ iŋgalŋgal tutu ku ta boozomen,
7 Nu sombe paute yo pa tutu ku ndeeŋeŋan,
8 Tutu ku ta tibeede pataaŋa kek na, nio ko motoŋ iŋgalŋgal mi aŋtoto.
9 Naŋgaŋ sa, sombe leleene be mataana iŋgal itunu mi ikam mbulu ta iŋgeeze men pa nu motom, nako ikam parei?
10 Nio aŋur leleŋ imap ma ima ku, mi aŋkam kinkiini be aŋute katu mi aŋbot kolouŋana pu.
11 Nio aŋur sua ku ila leleŋ be ipombol yo:
12 O Yooba, nio aŋpakuru pa kampeŋana ku.
13 Tutu ku ndeeŋeŋan boozomen ta nu so piam na,
14 Zaala ta nu ur pa wal ku na, ka tutu ta ikam yo ma menmeen yo biibi kat,
15 Sua boozomen ta nu ur na, motoŋ lala pa mi aŋrru ka ŋgar.
16 Tutu ku ta tibeede pataaŋa kek na, ina ikam yo ma leleŋ ambai kat.
17 O Yooba, nio mbesooŋo ku. Kampewe yo mi muŋai yo.
18 Pei ŋgar tio bekena aŋkilaala ŋgar ndabokbokŋan boozomen ta imbot la sua ku.
19 Toono ti na, kar tio ŋonoono som. Iŋgi aŋwe leembe pa men.
20 Gorgori nio leleŋ ilip pa tutu ku ndeeŋeŋan.
21 Zin wal tau tipakurkur zitun mi tipaŋobŋoobo pa tutu ku na, nu yamyaamba zin,
22 Mi nio na, motoŋ iŋgalŋgal zaala ta nu ur pa wal ku na, mi aŋtoto ka tutu.
23 Zin bibip ta tikamam peeze i tomini tilup zin mi timbuuru pio.
24 Zaala ta ur pa wal ku na, ka tutu ta ikam yo ma leleŋ ambai kat.
25 Nio mburoŋ imap kat ma iŋgi be aŋmeete ma aŋla leŋ i.
26 Nio aŋso u pa mbulu tio ta boozomen, mi nu leŋ suŋŋana tio mi uulu yo.
27 Sua boozomen ta nu ur na, paute yo pa ka ŋgar.
28 Nio leleŋ ipata ma mburoŋ imap kat.
29 Uulu yo be aŋbotmbot molo pa mbulu pakaamŋana. Kokena aŋpizil ndemeŋ pu.
30 Nio leleŋ iur kek be aŋto zaala ki sua ŋonoono.
31 O Yooba, zaala ta nu ur pa wal ku na, nio aŋkiskis kat ka tutu.
32 Nu kam leŋ ŋgar pa koroŋ boozo.
33 O Yooba, tutu ku ta tibeede pataaŋa kek na, paute yo pa ka zaala.
34 Kam leŋ ŋgar pa sua ta nu kam piam.
35 Pazal yo be aŋto zaala ki tutu ku.
36 Zaala ta nu ur pa wal ku na, kam yo ma aŋur kat leleŋ pa ka tutu.
37 Kam yo ma aŋpiŋgis motoŋ pa koroŋ soroksorok ki toono ta ŋonon somŋan i.
38 Nio mbesooŋo ku tau. Tana motom iŋgal sua ta mbuk pio na, mi kam ma iur ŋonoono.
39 Nio aŋmoto sua repiiliŋana mi pamiaŋŋana ki koŋ koi bizin.
40 O Yooba, nio leleŋ ilip pa sua boozomen ta ur na.
41 O Yooba, nu toto sua ku mbukŋana mi urur lelem pa wal ku. Swe mbulu ku tana pio.
42 Naso aŋrao be aŋpekel sua repiiliŋana ta tomtom tiwirri pio na.
43 Nio aŋurur motoŋ pu be to tutu ku ndeeŋeŋan mi uulu yo. Naso aŋwit urum pa mbulu ku ta zzo sua ŋonoono men mi toto sua ku.
44 Sua ta nu kam piam na, nio ko aŋtoto totomen.
45 Nio aŋkam kinkiini be aŋto sua boozomen ta nu ur na.
46 Nio ti aŋmoto som, mi koŋ miaŋ pizin tomtom som.
47 Pa tutu ku ta ikam yo ma leleŋ ndabok kat.
48 Nio aŋwit nomoŋ isala, mi aŋpakuru pa sua ku.
49 Nio mbesooŋo ku. Tana motom iŋgalŋgal sua ku mbukŋana ta kam pio na.
50 Sombe pataŋana ikam yo, na sua ku ko iuulu yo be aŋbot ambai. Ŋgar tana, ta ipotor leleŋ.
51 Zin wal ta tipakurkur zitun mi tirepilpiili Anutu na, timbel sua repiiliŋana pio.
52 O Yooba, nio motoŋ ŋgalŋgal tutu ku ndeeŋeŋan ta ur muŋgu kek na.
53 Nio, sombe aŋre zin wal sananŋan tipizil ndemen pa sua ta nu kam piam,
54 Toono ti, kar tio ŋonoono som. Iŋgi aŋwe leembe pa men.
55 Yooba, mbeŋ tomini, motoŋ iŋgalŋgalu,
56 Tana nio aŋkamam ta kembei:
57 O Yooba, nio aŋre u kembei koroŋ tio ŋonoono. Pa nu kampewe yo, mi aŋbotmbot se ku pa koroŋ ta boozomen.
58 Iŋgi suŋŋana tio ima ku raama leleŋ:
59 Nio aŋkam ŋgar pa zaala ta aŋtoto i,
60 Mi irao aŋnaunau na som.
61 Zin wal sananŋan tiur kilis boozo be tikeene yo.
62 Nio aŋmaŋgaŋga pa mbeŋ lukutuunu,
63 Zin wal ta timototo u mi tileŋleŋ la kalŋom na,
64 O Yooba, mbulu ku ta toto sua ku mbukŋana mi urur lelem pa wal ku, ina nu zzwe ma irao toono ta boozomen.
65 O Yooba, nio mbesooŋo ku. Mi nu toto sua ku mbukŋana,
66 Paute yo pa ŋgar ku, mi kam leŋ ŋgar ambaiŋana.
67 Muŋgu nio aŋpaŋobŋoobo pa zaala ku.
68 Nu ambaiŋom kat. Mi mbulu ta kamam ta kembena, ina ambai men.
69 Zin wal ta tipakurkur zitun mi matan pasomu na, tiŋgalŋgal sua pakaamŋana pio.
70 Wal tina len ŋgar somŋan, mi tiyamaana sanaana kizin som.
71 Pataŋana ta muŋgu ikam yo na, koroŋ ambaiŋana.
72 Sua ta ipet pa kwom na, nio aŋre kembei koroŋ tio ŋonoono.
73 Itum nomom ta imbuuzu yo mi iur yo.
74 Zin wal ta timototo u mi tileŋleŋ la kalŋom na, sombe tire yo, na menmeen zin.
75 O Yooba, nio aŋute: Tutu ku mi kadoono ta urur pizin tomtom, ina indeŋdeeŋe men.
76 Nio mbesooŋo ku tau. Tana aŋsuŋu be to sua ku mbukŋana, mi swe mbulu ku ta urur lelem pa wal ku mi muŋaiŋai zin na.
77 Lelem isaana pio, mi uulu yo ma aŋbot ambai mini.
78 Zin wal ta tipakurkur zitun mi matan pasomu, nako kan miaŋ. Pa tiŋgalŋgal sorok sua pakaamŋana pio.
79 Zin wal ta timototo u mi tileŋleŋ la kalŋom,
80 Nio leleŋ be ŋgar tio iŋgeeze men, mibe aŋto kat tutu ku ta tibeede pataaŋa kek na.
81 O Yooba, nio aŋzza u be uulu yo, mi aŋbel naamaŋom kek. Tana mburoŋ imap ma aŋsaana kat.
82 Nio aŋurur motoŋ pa sua ku mbukŋana be iur ŋonoono. Mi aŋnaama, aŋnaama ma som.
83 Nio aŋsaana ma tomtom matan mbeleele yo kek.
84 Nio mbesooŋo ku tau. Parei ta nu gedgeede koŋ koi bizin mi tiseseeze motoŋ?
85 Re. Zin wal ta tipakurkur zitun mi matan pasomu na, tikel naala pio kek be aŋtop sula.
86 Tutu ku ta boozomen na, irao aŋdemeere mi aŋpase pa be iuulu yo.
87 Pa molo som to tipun yo ma aŋmeete ma aŋmap pa toono.
88 Nu toto sua ku mbukŋana mi urur lelem pa wal ku. Tana uulu yo ma aŋbot ambai mini.
89 O Yooba, sua ku ko imbol mi imbotmbot ma alok. Irao imap na som.
90 Tomtom tipepeebe len kelŋan, mi iseeŋge iseeŋge ma ila. Mi mbulu ku ta zzo sua ŋonoono men mi toto sua ku na, ta kembena. Iseeŋge iseeŋge ma ila.
91 Pa sua ta nu ur, ta ikiskis koroŋ ta munŋaana men ma timbotmbot murin.
92 Sombe leleŋ ilip pa sua ku som,
93 Sua boozomen ta nu ur na, irao motoŋ mbeleele na som. Som ma som kat.
94 Nio aŋwe lem kek. Tana kamke yo lak! Pa nio aŋkam kinkiini be aŋto sua boozomen ta nu ur na.
95 Iŋgi zin wal sananŋan tizaŋzaaŋa yo be tipun yo ma aŋmeete. Tamen nio aŋkamam ŋgar men pa tutu ta nu ur pa wal ku na.
96 Nio aŋre koroŋ sa ila ma iwe ambai komboono na som. Pa koroŋ ta boozomen tilala ma timilmiili. Tamen tutu ku na, ambai komboono, mi imbotmbot ma alok.
97 Sua ta nu kam piam na, nio leleŋ pa ilip!
98 Tutu ku imbotmbot raama yo totomen.
99 Mi ŋgar tio ilip pa zin wal ŋgarŋan ta tipaute yo na tomini.
100 Mi ŋgar tio ilip pa zin kolman ŋgar kizin tomini.
101 Nio aŋgabiizi ituŋ, mi aŋbotmbot molo pa zaala sananŋan ta boozomen, bekena aŋto sua ku.
102 Tana aŋpizil ndemeŋ pa tutu ku ndeeŋeŋan som.
103 Bigil suruunu inamut. Mi sua ku na, inamut kat.
104 Sua boozomen ta nu ur na, iuluulu yo be aŋkam ŋgar ambaiŋana.
105 Sua ku, ta iurur mat pio kembei ta kai i,
106 Nio aŋbuk sua pu, mi aŋpombol ma imbol kat,
107 O Yooba, iŋgi pataŋana biibi kat indeeŋe yo.
108 Nio leleŋ be aŋpakuru mi sua tio iwe kembei patoronŋana ta nu lelem pa i.
109 Gorgori nio aŋbotmbot naala kezeene.
110 Zin wal sananŋan tiurur kilis be tikeene yo.
111 Tutu ta nu ur pa wal ku, ina matamur ambaiŋana ta kam pio. Tana nio ko aŋkiskis ma alok.
112 Tutu ku ta tibeede pataaŋa kek na, nio leleŋ iur be aŋtoto ma irao swoŋ imap.
113 Zin wal ta tiur kat lelen pu som, mi titeege tete ru na, leleŋ pizin risa som.
114 Nu we ur pio be aŋke lela, mi nu we siŋgiao pio mi poroukalkaala yo.
115 Tana niom wal ta kakamam mbulu sananŋana na, koko molo pio.
116 O Yooba, to sua ku mbukŋana mi we silou pio. Naso aŋmender mbolŋana mi aŋbot ambai.
117 Palot yo, mi tatke yo pa pataŋana tio ti.
118 Wal boozomen ta so tipaŋoobo pa tutu ku ta tibeede pataaŋa kek na, nu pizil ndemem pizin.
119 Zin wal sananŋan ta timbotmbot toono na, nu re zin ta boozomen kembei musmuuzu sorok ta tiwirri ma ila lene.
120 Nio aŋkam ŋgar pu na, kuliŋ imoto. Pa nu potomŋom mi mburom keskeezeŋom.
121 Nio aŋkam ŋoobo tomtom sa som. Aŋkamam mbulu ndeeŋeŋana men.
122 Nio mbesooŋo ku tau. Tana mender pio mi poroukaala yo ma aŋbot ambai.
123 Nio aŋurur motoŋ pu be kamke yo, mi aŋbel naamaŋom kek.
124 Nio mbesooŋo ku. Tana mbulu ku ta toto sua ku mbukŋana mi urur lelem pa wal ku na, swe pio ma aŋre tomini.
125 Nio mbesooŋo ku. Tana kam leŋ ŋgar ambaiŋana.
126 O Yooba, iŋgi tomtom timbel zooroŋana pa sua ta nu kam piam.
127 Gol ta iŋgeeze kat, ina koroŋ zaanaŋana mi wal boozomen lelen pa.
128 Tana sua boozomen ta nu ur, ta ikamam peeze pio pa pai tio.
129 Tutu ta ur pa wal ku, ina ndabokŋana kat.
130 Sua ku, sombe tipeeze, to iur mat pizin tomtom.
131 Nio leleŋ pa tutu ku ilip,
132 Mar lae tio, mi muŋai yo mi kampe yo.
133 Pazal yo pa sua ku. Naso aŋpa pai tio ma ambai men.
134 Zin wal ta tiseseeze motoŋ mi tikamam be tikoto yo na, tatke yo la naman.
135 O Yooba, nio mbesooŋo ku. Swe itum ramaki kampeŋana ku pio, mi ur mat pio.
136 Nio aŋbel tiŋiizi ma motoŋ luluunu izzu.
137 Yooba, nu ndeeŋeŋom.
138 Tutu boozomen ta nu ur pa wal ku, ina indeŋdeeŋe men.
139 Nio leleŋ pa sua ku ilip mi aŋkamam kaisiigi pa.
140 Niam amre kek. Sua ku, ina ŋonoono men. Tana irao amdemeere mi ampase pa kat.
141 Ŋonoono, nio tomtom sorokŋoŋ mi tomtom tirepilpiili yo.
142 Mbulu ku ndeeŋeŋana ko imbotmbot ma alok.
143 Iŋgi pataŋana boozomen isalakaala yo, mi leleŋ ipata kat.
144 Tutu ta nu ur pa wal ku, ina indeŋdeeŋe men, mi imbotmbot ta kembei ma alok.
145 O Yooba, nio leleŋ imap ma aŋtaŋroro u. Leŋ suŋŋana tio mi uulu yo.
146 Iŋgi tiŋiizi tio ima ku. Tatke yo pa pataŋana tio ti.
147 Zoŋ ise zen, mi aŋmaŋga mi aŋtaŋroro u be uulu yo.
148 Mi mbeŋ tomini na, aŋpamatmaata
149 O Yooba, nu toto sua ku mbukŋana mi urur lelem pa wal ku. Tana leŋ suŋŋana tio ti.
150 Iŋgi wal sananŋan timar tigarau yo be tipasaana yo.
151 Tamen Yooba, nu mbotmbot kolouŋana pio.
152 Zaala ta nu ur pa wal ku na, muŋgu kat nio aŋkilaala ka tutu ta kembei:
153 Yooba, re yo pa pataŋana tio taiŋgi, mi tatke yo pa.
154 Mender pio mi uulu yo.
155 Ulaaŋa ku imbotmbot molo pa zin wal sananŋan.
156 O Yooba, nu lelem izanzaana kat pa zin wal ta timbotmbot raama pataŋana na.
157 Pa koŋ koi bizin ta tiseseeze motoŋ na, boozo kat.
158 Nio aŋre zin wal ta tipizil ndemen pu na, leleŋ pizin risa som kat,
159 O Yooba, re. Sua boozomen ta nu ur na, nio leleŋ pa ilip.
160 Sua ku ka uunu ŋonoono, ina ta kembei: Nu zzo sua ŋonoono men mi toto sua ku mbukŋana. Tana tomtom tirao be tipase pu.
161 Zin peeze kan tiseseeze sorok motoŋ.
162 Sua ku, ta ikam yo ma leleŋ ambai kat,
163 Mbulu pakaamŋan ta boozomen kizin wal ta tipizil ndemen pu na, leleŋ pa risa som, mi aŋurur koi pa.
164 Nio aŋkamam ŋgar pa tutu ku ndeeŋeŋan.
165 Zin wal ta so lelen ilip pa tutu ku, inako timbot ambai kat.
166 O Yooba, nio aŋtoto tutu ku,
167 Zaala ta nu ur pa wal ku na, nio leleŋ pa ka tutu ilip.
168 Nio aŋtoto tutu tana ramaki sua boozomen ta nu ur na.
169 O Yooba, leŋ tiŋiizi tio ti.
170 To sua ku mbukŋana, ŋgun talŋom pa suŋŋana tio, mi tatke yo pa pataŋana tio.
171 Paute yo pa tutu ku ta tibeede pataaŋa kek na.
172 Nio ko aŋbombo mboe pa sua ku. Pa tutu ku ta boozomen na, indeŋdeeŋe men.
173 Itum nomom ko iuulu yo.
174 O Yooba, nio leleŋ ilip be kamke yo. Tana iŋgi aŋbotmbot mi aŋurur motoŋ pu.
175 Kiskis yo ma aŋbotmbot, bekena aŋpakuru.
176 Nio mbesooŋo ku. Tamen iŋgi aŋsaŋsaŋ kembei sipsip ta imbiriizi na.