1 Mukunga ya Davidi,
2 Yave! Kusemba munu ve ntangu yina nge me dasuka.
3 Madyonga ya nge me kuzwa munu!
4 Nzutu ya munu nyonso ke dyaka mbote ve, samu na nkele ya nge ya kulutila!
5 Yimbi ya munu ke na zulu ya yintu ya munu,
6 Bamputa ya munu ke na kubasika nsunga mpe mafinya.
7 Mu kele dyaka na ngolo ve, mu me lemba mingi,
8 Mu ke na kuya tiya na kati ya luketo,
9 Ngolo me manisa munu, mu me lemba munu nyonso.
10 Yave, nge zaba bansatu ya munu nyonso,
11 Ntima ya munu ke na kubaba na mbangu, ngolo me manisa munu,
12 Bandiku ya munu, bankundi ya munu,
13 Bayina ke na kusosa lufwa ya munu ke na kutula mitambu ya bawu.
14 Mu ke na kuwa ve, mu kele mutindu muntu yina ke na makutu ya kufwa.
15 Mu kele mutindu muntu yina ke kuwaka ve,
16 Ya tsyelika, Yave nge kele kivuvu ya munu!
17 Samu ti mu ke tubaka: «Kubika ve ti bawu kuyangalala samu na mpasi ya munu,
18 Mu ke dyaka ntama ve na kubwa,
19 Ya tsyelika, mu me ndima yimbi ya munu,
20 Bambeni ya munu ke na mavimpi ya mbote, mpe bawu ke na kibakala.
21 Bawu ke na kuvutula munu yimbi na mambu ya mbote yina mu salaka,
22 Yave kubika munu ve!
23 Kwiza nswalu na kusadisa munu,