1 Beno kembila Yave, samu ti yandi kele mbote,
2 Beno kembila Nzambi ya banzambi,
3 Beno kembila Mfumu ya bamfumu, samu ti yandi kele mbote,
4 Kaka ni yandi ke salaka mambu ya nene, na ya ngitukulu,
5 Ni yandi yidikaka mazulu na mayela ya yandi,
6 Ni yandi yalumunaka ntoto na zulu ya maza,
7 Ni yandi yidikaka ntangu, ngonda na bambwetete,
8 Ntangu samu na kuyalaka kilumbu,
9 Ngonda na bambwetete samu na kuyalaka na mpimpa,
10 Ni yandi salaka ti bana ya ntete ya bantu na ya bibulu kufwa na Ngipiti,
11 Ni yandi basisaka bana ya Isayeli na Ngipiti,
12 Na lulendo ya diboko ya yandi,
13 Yandi kabulaka Mubu ya Batwandu na bandambu zole,
14 Ni yandi salaka ti bana ya Isayeli kutambula na kati-kati ya mubu,
15 Ni yandi salaka ti Falawo na binwani ya yandi kufwa na kati ya Mubu ya Batwandu,
16 Ni yandi twadisaka bantu ya yandi kuna na yinsi ya kuyuma,
17 Ni yandi kufwaka bantinu ya nene,
18 Ni yandi kufwaka bantinu ya lulendo,
19 Ya vwandaka Siwone ntinu ya ba-Amoli,
20 Mpe Onge ntinu ya Basane,
21 Ni yandi pesaka bayinsi ya bantinu yina mutindu mvwilu,
22 Ni yandi pesaka yawu mutindu mvwilu na bana ya Isayeli, kisyelo ya yandi,
23 Ni yandi bambukilaka beto moyo ntangu beto vwandaka na mpasi,
24 Ni yandi kuulaka beto na maboko ya bayina vwandaka kwamisa beto,
25 Ni yandi ke pesaka madya na bantu nyonso,
26 Beno kembila Nzambi ya mazulu,