1 Mu kele muntu yina me tala bampasi na kikoti yina Mfumu me bula na nkele ya yandi.
2 Mfumu nataka munu.
3 Kaka ni munu yandi ke na kutatamana na kubula.
4 Yandi me manisa munu musuni nyonso na mpusu ya nzutu.
5 Yandi me zunga munu na kibaka mosi
6 Yandi me vwandisa munu na kitombe
7 Yandi me kangila munu na kati ya lupangu samu ti mu basika ve.
8 Ni na mpamba mu ke na kulooka mpe kulomba lusalusu.
9 Yandi me kanga banzila ya munu na matadi ya nene.
10 Samu na munu, yandi me vwanda mutindu yingo yina me bumbimina kibulu.
11 Yandi me zimbisa munu nzila,
12 Yandi me telemisa munani ya yandi,
13 Yandi me manisa madyonga ya nkutu ya yandi na kutobola munu luketo.
14 Bantu nyonso ke na kuseka munu.
15 Yandi me yukutisa munu na matiti ya ndudi.
16 Yandi me bukutisa munu matadi.
17 Nge me yimina munu kizunu.
18 Mu me tuba ti ya munu yimeni.
19 Bambuka moyo na nsoni yayi mu ke na kutala na kwendaka yima.
20 Bantangu nyonso, mu ke na kubambuka moyo na mambu yina.
21 Kasi dyambu yina mu ke na kutula na ntima,
22 Bumbote ya Yave, me manisa ve,
23 Yawu ke vutukilaka konso suka.
24 Mu ke na kutuba: Yave kele kikunku ya munu.
25 Yave kele mbote samu na muntu yina ke na kutula kivuvu na yandi.
26 Ya kele mbote mingi na kuvingila mpulusu ya Yave na kati ya kudingama.
27 Ya kele mbote na muntu na kundima na kunata kizitu na buntwenya ya yandi.
28 Yandi fwana kuvwanda kisika ya yandi mosi mpe kudingama, samu ti ni yawu Yave me kwika yandi.
29 Yandi fwana kutula yinwa ya yandi na kati ya fundu-fundu ya ntoto.
30 Yandi fwana kupesa dibundi ya yandi na muntu yina me bula yandi mbata.
31 Samu ti Mfumu ke losaka ve muntu ya mankululu.
32 Ata ti yandi talisa mpasi,
33 Mfumu ke yangalalaka ve na kukulula bantu,
34 Ntangu ba ke nyokolaka bankole nyonso yina kele na boloko na kati ya yinsi,
35 ntangu ba ke safulaka luve ya muntu na meso ya Nzambi ya Kulutila Kuzangama,
36 ntangu ba ke tengimisaka balufundusu, Mfumu ke talaka yawu ve?
37 Nani yina kele ti, kana yandi me tuba dyambu, dyambu yina mpe me salama?
38 Ya kele ve ni na yinwa ya Nzambi ya Kulutila Kuzangama ke basikilaka mambu ya mpasi mpe mambu ya kyese?
39 Samu na yinki muntu ke yawulaka kana yandi kele moyo?
40 Beto taleno banzila ya beto mpe beto fyongonina yawu.
41 Beto sambileno na bantima ya beto nyonso na kuzangula maboko ya beto na Nzambi yina kele na zulu.
42 Beto, beto me sala yintu ngolo, beto me manga na kutumama.
43 Nge me fukila nkele ya nge, nge me landa beto.
44 Nge me fukila dituti samu ti lusambulu ya beto kukuma ve na sika ya nge.
45 Nge me kitula beto dizala,
46 Bambeni nyonso ya beto ke na kusalaka beto yinwa samu na kusombola beto.
47 Boma, kizungu-zungu, mwangusulu, mpe lufwa kele samu na beto.
48 Meso ya munu ke na bulumuna bamwila ya mansangasa,
49 Meso ya munu ke na kubasisa mansangasa.
50 tii ntangu yina Yave ke balula meso ya yandi na kutala beto katuka kuna na dizulu.
51 Meso ya munu ke na kutalisa munu mpasi samu na mambu yayi me bwidila bandumba ya mbanza ya munu.
52 Ba ke na kulanda-landa munu mutindu ndeke,
53 Bawu me kotisa munu na kati ya dibulu ya maza samu na kudingimisa munu.
54 Maza me luta ndilu ya yintu ya munu.
55 Mu me tanguna nkumbu ya nge Yave kuna na yisi ya dibulu ya maza.
56 Nge me kuwa ndinga ya munu.
57 Na ntangu yina mu bokilaka nge, nge belamaka,
58 Mfumu, nge me nwanina munu.
59 Yave, nge me tala yimbi yina ba me sala munu.
60 Nge me tala wapi mutindu ba me vutula munu yimbi.
61 Yave, nge me kuwa bifingu ya bawu.
62 Nge me kuwa mambu yina ke na kuzonza bayina me tedimina munu.
63 Ba vwanda ya kuvwanda, ba vwanda ya kutelama,
64 Yave, nge ke futisa bawu yimbi ya bawu.
65 Nge ke sala ti bawu kukuma bantu ya bantima ya ngolo.
66 Nge ke landa bawu na nkele ya nge.