1 Luzingu ya muntu na ntoto kele mutindu luzingu ya kinwani,
2 Yandi kele mutindu mundongo yina ke na kusala na yisi ya ntangu, mpe ke na kusosa mpewo,
3 Munu, mvwilu ya munu kele ni bangonda ya mpamba,
4 Na ntangu ya kulala, mu ke tuba:
5 Nzutu ya munu me fuluka na bangambu mpe mvindu, mutindu ntoto ya kuyuma,
6 Luzingu ya munu ke na kukwenda nswalu-nswalu mutindu kisalulu ya kisyeti,
7 Nzambi ya munu, kuzimbana ve ti luzingu ya munu kele kaka mupepe ya mpamba,
8 Nge yina vwandaka tala munu, nge ke tala dyaka munu ve.
9 Dituti ke kwendaka mpe ke zimbanaka,
10 Yandi ke vutuka dyaka ve na yinzo ya yandi,
11 Ni yawu yina, mu ke kanga ve yinwa,
12 Samu na yinki nge ke na kukeba munu mutindu yayi?
13 Ntangu mu ke tubaka ti:
14 kasi nge ke pesaka munu boma na bandosi ya nge ya yimbi,
15 Ya kele mbote ti nge nyema kwandi munu na laka mu kufwa.
16 Mu ke na kulenda dyaka ve, mu ke zinga ve ya mankululu.
17 Muntu yina ke kufwa, yinki yandi kele, samu ti nge banzila yandi?
18 Yinki yandi kele, samu na kufyongoninaka yandi konso suka?
19 Wapi ntangu nge ke bika na kusikika meso ya nge na munu?
20 Mu me sala disumu?
21 Samu na yinki nge ke na kulemvokila ve yimbi ya munu?