1 Yobi vutulaka mutindu yayi:
2 Mu zola ti ba teza mpasi ya munu.
3 Ntangu yayi, mpasi ya munu me lutila dema na munyenge ya mubu,
4 Samu ti madyonga ya Nzambi-Mpungu me tobola nzutu ya munu,
5 Mbuluku ya mfinda ke lookaka kana ntangu yandi me kuzwa matiti ya maza?
6 Madya yina kele ve na mungwa, ba lenda kudya yawu kondwa mungwa?
7 Bima yina mu vwandaka zola ve na kusimba,
8 Aa, kana mu kuzwaka mvutu na ndombolo ya munu!
9 Bika ti Nzambi ndima na kunika kwandi munu.
10 Mu ke kuzwa dyaka mbombolo,
11 Mu ke dyaka ve na ngolo, samu na yinki mu fwana kuvwanda na kivuvu?
12 Ngolo ya munu kele mutindu ditadi?
13 Mu kele dyaka na lusalusu?
14 Muntu yina ke na mpasi fwana kuzwa lusalusu ya ndiku ya yandi,
15 Bandiku ya munu me vuna munu, mutindu muzumba.
16 Na nsuka ya ntangu ya madidi yina maza ke kangamaka,
17 Kasi na bantangu ya tiya, maza yango ke yumaka.
18 Bantu ya mumbungu yina ke zyetaka na basamo ke lutilaka dyaka ve kuna,
19 Bantu ya mumbungu ya Tema ke sosaka na kutala mizumba yango,
20 Kasi bawu me kuma na nsoni samu ti,
21 Ntangu yayi, mu ke na kutala beno mutindu bantu yina,
22 Mu lombaka na beno ti, beno pesa munu mwa kima?
23 Samu na kukuula munu na maboko ya mbeni,
24 Beno longa munu mpe mu ke dingama.
25 Mambu ya tsyelika ke salaka ve ntima mpasi,
26 Beno zola kusungika munu na mambu yina mu me tuba?
27 Beno ke bula dzeke samu na nsaana,
28 Ntangu yayi, beno baka lukanu ya kutala munu na kizizi, mu ke na kuvuna beno?
29 Mulemvo ya beno, beno soba mayindu ya beno,
30 Yinwa ya munu ke basisaka mambu ya yimbi?