1 Eliwu tubaka dyaka mutindu yayi:
2 Vibidila munu mwa ntangu, mu ke longa nge,
3 Mu ke baka luzabu ya munu ntama,
4 Samu ti ya tsyelika mambu ya munu kele ve ya luvunu,
5 Nzambi ke na lulendo mpe yandi ke mangaka ata muntu ve,
6 Yandi ke bikaka ve ti muntu ya yimbi kuzinga,
7 Yandi ke bikaka ve na kusikika meso ya yandi na bantu ya kudedama,
8 Kana bawu kangama na bampanga ya bankole,
9 yawu zola kutuba ti yandi me zola kulakisa mavanga ya bawu,
10 Yandi me fungula makutu ya bawu samu na kulwengisa bawu,
11 Kana bawu kuwa mpe ti bawu kutumama,
12 Kana bawu kuwa ve, bawu ke kufwa na mbele ya mvita,
13 Bantu ya yimbi yina ke na bantima ya kukangama na nkele,
14 Bawu ke kufwaka na buntwenya,
15 Kasi Nzambi ke kuulaka muntu ya mpasi
16 Nge, yandi ke katula nge na kati ya manyongo,
17 Kasi kana nge sala lufundusu ya nge,
18 Kubika ve ti nkele ya nge sala ti nge seka Nzambi.
19 Kana nge looka ti ba kwiza sadisa nge,
20 Kutula ve ntima na mpimpa,
21 Sala keba! Kubaluka ve na lweka ya yimbi!
22 Ya tsyelika, bunene ya Nzambi ke talanaka na lulendo ya yandi,
23 Ya ke na muntu me lakisaka yandi nzila?
24 Bambuka moyo na kukembila bunene ya bisalu yina yandi me sala.
25 Bantu nyonso ke talaka yina Nzambi ke salaka,
26 Nzambi ke nene, kasi nabunu beto bakula yawu,
27 Yandi ke bendaka mabete ya maza,
28 matuti ke bikaka ti yawu kubwa,
29 Nani lenda zaba mutindu matuti ke fungukaka,
30 Nzambi ke yalumunaka nsemo ya yandi na balweka ya yandi nyonso,
31 Ni na bima nyonso yina yandi ke fundisaka bantu,
32 Yandi ke bumbaka lusyemo na kati ya maboko ya yandi,
33 Nzasi ya yandi ke zonzilaka nkwizulu ya yandi,