1 Na yina Yobi tubaka:
2 Ya tsyelika, beno zaba mambu nyonso!
3 Munu mpe, mu ke na mayela mutindu beno,
4 Mu kele muntu yina ba ke na kuseka na bandiku ya yandi,
5 «Kyadi mingi na bamputu.» Ni bamvwama ke tubaka yawu.
6 Kasi bayina ke labaka bima ya bantu ke yangalalaka na kizunu na bayinzo ya bawu ya lele,
7 Kasi, mulemvo ya nge, yufula bibulu ya mfinda, mpe bawu ke longa nge yawu.
8 Yufula na ntoto, yandi ke longisa nge yawu.
9 Na kati ya nyonso yayi nani zaba ve ti,
10 Luzingu ya bima nyonso kele na maboko ya yandi,
11 Kingana mosi ke tubaka: «Dikutu ke swasikisaka ve mbote mambu,
12 Ndwenga kele ya biboba
13 Kasi ndwenga mpe lulendo kele na sika ya Nzambi,
14 Kana yandi mwangisa, ata muntu lenda kutunga dyaka.
15 Kana yandi kanga mvula, ntoto nyonso ke yuma.
16 Ngolo na ndwenga ke zingaka na sika ya yandi.
17 Yandi ke salaka ti, bamfumu ya luyalu kutambula makulu-ngulu,
18 Yandi ke katulaka kimfumu ya bantinu,
19 Yandi ke salaka ti banganga-Nzambi kutambula makulu-ngulu,
20 Yandi ke kangisaka yinwa ya bantu yina ke na bunzonzi ya mbote,
21 Yandi ke fwisaka bantwadisi nsoni,
22 Yandi ke salaka ti mansweki ya kitombe kutalana na pwelele nyonso,
23 Yandi ke salaka ti bantu ya bayinsi kukuma mingi, mpe yandi ke kufwaka bawu,
24 Yandi ke katulaka mayela na bamfumu ya bayinsi,
25 mpe bawu ke kwendaka tambula mutindu bampofo na kati ya kitombe, ata kutala nsemo.