1 Na manima ya kunata sanduku ya Nzambi, ba tulaka yawu na kati-kati ya yinzo ya lele yina Davidi yidikisaka samu na yawu. Ba pesaka na mantwala ya Yave, minkayulu ya kuyoka mpe minkayulu ya kiwisa.
2 Ntangu Davidi manisaka na kupesa minkayulu ya kuyoka na minkayulu ya kiwisa, yandi sakumunaka bantu nyonso na Nkumbu ya Yave.
3 Yandi kabulaka na bantu nyonso ya Isayeli, bakento na babakala. Ba pesaka na muntu-muntu dimpa, ngombe ya kuyoka mpe maboke ya bambuma ya vinu ya kuyuma.
4 Davidi tulaka na mantwala ya sanduku ya Yave, mwa ndambu ya ba-Levi yina vwandaka na kisalu ya kukembilaka mpe kuvutulaka matondo na Yave, Nzambi ya Isayeli.
5 Yayi ni bankumbu ya ba-Levi yango: Asafe, vwandaka mfumu, Zakali vwandaka kilandi ya yandi. Ya vwandaka mpe: Yeyiyele, Semilamote, Yeyele, Matitya, Elyabe, Benaya, Obede-Edome, mpe Yeyele. Bawu vwandaka na bisikulu mutindu bansambi mpe Asafe, ni yandi vwandaka sika basembale.
6 Banganga-Nzambi mutindu Benaya na Yazyele vwandaka sika bantangu nyonso, bakulumenta na mantwala ya Sanduku ya Ngwisani ya Nzambi.
7 Ni na kilumbu yina Davidi pesaka na mbala ya ntete, kiyeko na Asafe na bampangi ya yandi na kuzitisa Yave.
8 Beno yimbila samu na Yave.
9 Beno yimbila samu na yandi, beno yimbila mikunga samu na yandi!
10 Beno tala kilengi na nkumbu ya yandi ya longo.
11 Beno sosa Yave mpe ngolo ya yandi.
12 Beno bambuka moyo na mambu ya ngitukulu yina yandi me sala.
13 beno, bana ya Isayeli, kisyelo ya yandi,
14 Ni Yave kele Nzambi ya beto. Banzengolo ya yandi ke na kusalama na ntoto nyonso.
15 Beno bambuka moyo bantangu nyonso na ngwisani ya yandi,
16 na ngwisani yina yandi salaka na Abalayami
17 Yandi salaka yawu mutindu bansalulu ya misiku samu na Yakobi,
18 ntangu yandi tubaka: Mu ke pesa nge yinsi ya Kaana,
19 Beno vwandaka kaka mwa bantu ndambu,
20 Bawu vwandaka kwenda luta yinsi na yinsi,
21 Kasi Yave bikaka ve ti muntu kukwamisa bawu.
22 «Beno meka ve na kusimba bantu ya munu yina mu soolaka.
23 Ntoto nyonso, beno yimbidila Yave!
24 Beno mwangisa nsangu ya nkembo ya yandi na kati ya bayinsi.
25 Ya tsyelika, Yave kele Nzambi ya nene,
26 Ya tsyelika, banzambi nyonso ya bayinsi ya nkaka kele banzambi ya luvunu,
27 Nsemo mpe nkembo kele na mantwala ya yandi.
28 Beno makanda ya bantu,
29 Beno pesa na Yave nkembo ya Nkumbu ya yandi!
30 Beno tekita na ntadisi ya yandi, beno bantu nyonso ya ntoto.
31 Bika ti mazulu kuyangalala,
32 Bika ti mubu na bima nyonso yina kele na kati ya yawu kuduma!
33 Bika ti bayinti ya mfinda kuningana na kilengi na mantwala ya Yave!
34 Beno kembila Yave, samu ti yandi kele mbote
35 Beno tuba:
36 Nkembo na Yave, Nzambi ya Isayeli bantangu nyonso!»
37 Davidi bikaka kuna, na mantwala ya Sanduku ya Ngwisani ya Yave, Asafe na bampangi ya yandi, samu ti ba salaka bantangu nyonso, bisalu ya bawu na mantwala ya sanduku, mutindu ntumunu yina ba salaka ya konso kilumbu.
38 Obede-Edome, mwana ya Yedutune, Wosa, kintwadi na bampangi ya bawu, vwandaka na lutangu ya makumi sambanu na nana. Bawu vwandaka bankebi ya myelo.
39 Nganga-Nzambi Sadoke na bampangi ya yandi banganga-Nzambi ya nkaka yina vwandaka sala na mantwala ya Yinzo ya Yave, bawu vwandaka na kisika ya lusambulu yina vwandaka na zulu ya mongo kuna na Ngabawone,
40 samu na kupesaka na Yave, konso suka mpe konso nkokila, minkayulu ya kuyoka, na zulu ya kiyokolo ya minkayulu, mutindu kele mambu nyonso yina ba sonikaka na Musiku yina Yave pesaka samu na Isayeli.
41 Na sika ya bawu, ya vwandaka: Yemane mpe Yedutune, na bantu ya nkaka yina ba solaka, mpe bantu yina ba vwandaka bokila na bankumbu ya bawu samu na kukembila Yave. Bawu vwandaka tuba: «Samu ti kukwikama ya yandi kele ya seko!»
42 Pene-pene ya bawu vwandaka Yemane mpe Yedutune. Bawu vwandaka sika bakulumenta mpe basembale. Bawu vwandaka sika mpe bisikulu samu na Nzambi. Bana ya Yedutune ya babakala vwandaka bankebi ya mwelo.
43 Bantu nyonso vutukaka muntu-muntu na yinzo ya yandi. Davidi mpe vutukaka na kisika ya yandi samu na kusakumuna dikanda ya yandi.