1 Arie, Bajari, ni evovodae namanenda irari vasa, namanenda nati ava, nine edo iresa.
2 Ni doriri a enda jo aso sirorae iriri ainda gitida, ni evovodae iriasi.
3 Ni seaso evetu genembo jovereghedo sekago fonja jineraera.
4 Ghaeko 1,000 tegaresa amo, nimokena mo, kau sifo dabako da kaugori.
7 Ninda janje ekoimi namane deaso sirivo eraera.
8 Ni namanenda ari ekoko ninda dombuda fitiraesa.
9 Ni janje eko eari seaso namane amburaera, jo ghousa irá ghae eraera.
10 Ghaeko 70 edo irarera amo, inonori, namanenda boandari.
11 Mave eniimi, ninda janje eko ainda bouvu isambu jo itatamae usira!
12 Namanenda irari enda eminda, sifo tufako irarera ava ijugaso, namane gi kasama use, dubo kote gogoghombarera.
13 Arie, Bajari, ninda janje eko namanekena nanjigo dadabari?
14 Sifo ava inono, ninda dubo bari averegaso, namanenda dubo joká bedo beká are!
15 Giti, ni namanekena dubo mema muteaso, namane ghaeko ghousa dubo mema tafuse irá ghedo ghuseri.
16 Sonembaso, namane ninda saramana kakato ninda ari fakina ava gaore!
17 Bajari namanenda God, sonembaso ninda esimbugari namanekena irare!