1 Arie Bajari, ni evovodae na dubo buraesa aindae, nimokena yaru didivuse irarena.
2 Na kasama erena ninda dubo bari evovodae irira.
3 Ni sisesi, “Na genembo eni gategedo nangae tofo tofo beka gagojuseri.
4 ‘Ninda imendi gamendiimi evovodae kini nene edo gharera.
5 Tano fakina ghae garigo beká eraesa aindae ninda natofo aneya utuda irera aimi yaru divuraera.
6 Bajari, mave utuda irera amo, jo nimongo iraeri. Aneya mane utuda irera á jo nemonde fitoro inono ari iraeri.
7 Aneya da giti jighari kakato totorugedo irera isambu, nindae oju eraera.
8 Bajari, God Fakina Isambu da Tofo, ninda fakina ava jo enií ghae inono arigo iraeri.
9 Karaje fakina kato emo ninda sari ningariri. Eva anje foa gheraira, nine seaso binono eraira.
10 Ni eva da gambauva nombua teria ava nine deteso ambududurusira.
11 Utu a enda amo ninda tofori. Utu gambari utu gambari aminda reju irera ava, nine eteso sirorusira.
12 Reighi utu gambari utu isambu ninda fitariri.
13 Ni fakinago bekári! Ninda fakina mo, tomanako bekári!.
14 Ni geka bekáda bekáda sise ari bekáda bekáda use irágheraesa aindae,
15 Evetu genembo mave ninda dombuda usasa jokáda deinghuse,
16 Nindae sise ne sifo ghousa evia ivuga eraera. Ninda kavevera aindae sakai sise ninda javo jighioro ereraira.
17 Tataya sifoda namane sonembeoso gitofo de atai fati feteraera.
18 Arie Bajari, namane kaifa arida genembo ava, nine gategusesi.
19 Anakora beka saramana kakato ninda sari ava edo ghusera aikena, eminge sisesi,
20 Nanda saramana kato David ava, usu kakarai jijighuse eteno, kini (king) usira.
21 Nanda fakina evovodae numokena irarira, nanda fakina aimi sonembururari nu fakina edo fetarira.
22 Gitofu numo dari dae arera amo, nu jo dae arera.
23 Nunda gitofu nane daono sirivo e tefo arera, a mave nu imboe eraera, ábarago daono amomonje garera.
24 Na nu dubo ruruse, rea nundae sisena ava, jo kotae edo gharena.
25 Nunda enda mutarena amo, eva Mediteranian seraera,
26 Nu nandae eminge sarira, “Nanda God a afa mo, nimori.
27 Nu nanda mandi bego dae barena. Kini mane nanjogo irera, einda jokáda kini tomanakogo beká nune arira.
28 Na numokena beka gagojusena ava evovodae ava udo yarena, a nanda agho dari reava usena,
29 Nunda sasingu reighié nene kaifa udo yarera.
30 “Avata, nunda imendi gamendi nanda agho dari imboe use, nanda agho dari jo amboda amboda ae arera.
31 A nanda ijuga gukai mutudo, nanda agho dari jo kaifa ae arera amo,
32 avori, nenda ari eko dae na ne daono ghamo barera, a nenda kosasadae bouvu mutono, nene barera.
33 Avata nanda dubo bari David kena jo nanjigo tano ae arira. A na beka rea ava gagojusena amo jo bejae arena.
34 Na agho reava nangae dabade sise dorusera, ainda geka da mendó eni jo kote doyae arena.
35 Nanda javo kakaragoimi javono tofo gatise, beka gajeteno fetedo evovodae irarira.
36 Nunda imendi gamendi evovodae sirorudo yarera.
37 Tambuno evovodae irira amingudo yarira. Utu evovodae irira, aminga ava kini (king) udo yarera.”
38 Avata ninda kini gategusesa aikena dubo ekoko edo, nu imboe use, gukai muteso, nusuka fetetira.
39 Ninda saramana kato ghae rea ava tofo tofo beka gagojuseva ava, nine bejedo,
40 Nunda bogu begaya furu dighi birurughusera ava, ninda fakina aimi de bejisesi.
41 Amingetiri, aminda mave ya fa gheraera aimi nunda gugua bagia eraera,
42 Ni sonembeteso, gitofui nu dedo atai duboda fafotuseri. Amingeteso, ne isambu ivuga useri.
43 Nine eteso, nunda ambi goroba mendo baumba usira.
44 Aminguse, nunda kini da kotofu ungo jighari, kefata avavaga ava saghimbe bu babaregusesi.
45 Nine bouvu futeso, nu genembo seka ava, nunda sifo jo buvae iriri totoi embako usira.
46 Arie Bajari, ni redae evovodae na gi gagaerego eraesi? Junge iraresa ai?
47 Nanda jebuga tufako beka erira, ava kotaetesi!
48 Mave jo ambae jebuga irari? Namane evetu genembo eni jo uje da fakina darigae arera.
49 Arie Bajari, ni giti namane dubo budo ghusesa da beká oroko redari?
50 Ninda saramana kato namori. Nandae jijivu sisera ava, erá kotae eose!
51 Arie Bajari, ninda gitofui kini nine gategusesa, aindae jijivu sise “nimoá” seraera.
52 Bajari da javo evovodae jighoro erarira! Ai bekári, Ai bekári.