1 Arie Bajari, na gofari bekári. Na tofo sonembari da emboro eni tefori.
2 Na ni tumonduse, ninda sari ava eraena, na ninda saramana katori.
3 Nanda God nimori. Na banungurureono sifo ate fa ya tumba jiraira. Ava sedo, nandae joka aso dae resena.
4 Arie Bajari, nanda benunu nimokena viti ya gheraira. Na ninda saramana katori.
5 Ni namanekena veka eveva use, namanenda ari ekoko kote doyeraesa.
6 Bajari, nanda benunu ningi! Nanda kori nininguse, na sonembe!
7 Ni nanda banungari ningiraesa, ava sedo na dara tafuse, nimokena kori seraena.
8 Arie Bajari, god eni nimongo tefori. Nine usesa avavaga enimi jo ae eraera.
9 Oro isasambu nine eteso sirorusera aimi, fua tumoi bainghuse ni tumondarera.
10 Ni fakinago bekári, a ni tano dombu eni a ari gae gitida ava eoso siroreraira. God nisuka nimori.
11 Arie Bajari, ni rejoa aono dae uju eresa ava, ijugaso amingaone! Ijuge, na dubo dabako use nindae farago jighone!
12 Arie Bajari, nanda God, nanda janje joká isambu aimi ni jighono eraresa.
13 Evovodae ninda dubo bari tomanakoi na dubo buraesa! Aminguse, na ujeda ava sonembe beso jebuguseni.
14 Arie God, evetu genembo ivuga kakato aimi eredo, namoa dari dae refera.
15 Avata, Arie Bajari, ni joka ari a dubo bari da God ri.
16 Jovereghe namo gosuse, joka e! Aya nindae farago edo ghusira, aminga ava use irena.
17 Bajari, ninda kavevera eraesa, ainda beká ava ijugururaso isagha are!