1 Bajari, ni ninda natofo da enda dae joka usesi. Ni sifo aminda sonembeteso, Israel sekago ati ghayafade useri.
2 Ninda natofo da ari ekoko kote dotutusesi, a nenda dimbari isambu kote dodo gukai futusesi.
3 Dubo ekoko nemokena edo ghusesa tukughusesi.
4 Arie God, namanenda jebuga da susu nimori. Namane bu jovereghe fu!
5 Are! Ni evovodae namanekena dubo ekoko use iraresa, ai? Ninda dubo ekoko jo nanjigo fua tukughae arira, ai?
6 Sonembe, namane ninda natofo sekago fakina edo, ni jighoro erase!
7 Arie Bajari, namane nange evovo dae dubo buraesa ava, aso isagha ari gaore!
8 Bajari God reava resira ava, na niningerena: namonde nunda totofori.
9 Geka bekári, nu simbuge fetedo, mave numo igheghi eraera ava sonembari jebugarera.
10 God rea ari dae sisira ainda beká ava nune ari nunda dubo bari ainghae dabade isagha ari garera.
11 Namonde Israel embo God tumonde baingheraera aimi ungo God kena sirigaoro,
12 Bajari namonde esimbugari susu iti fafode arera.
13 Ari dambugo ari aimi, Bajari da emboro rerebe, giti irurari, nu amboda yarira.