1 Arie God, nanda memadae resena, ningi! Nanda gitofudae oju erena. Namo sonembaso jebugari dae resena!
2 Ari ekoko emboimi manaka garuse irera. Namoa ufena daoro ambono dae kato erera ava sedo, kosege fete!
3 Ne avivaimi mema mutari dae sise, kotise irá gheraera. Geka seraera, kaiya siverego afari aminga ava,
4 Ne meka jo gae irise, gungubo seoro ivege ya gheraira.
5 Ne totorugedo, kokomana daoro sirivo aore dae tofo tofo ghamo dedoruse manaka gayeraera.
6 Ne dara ari dae manaka garuse seraera, “Namonde taká tafasara ari da manaka beká ava gaeteri.”
7 Avata God nunda goroba nemokena afuse, ne totoi nembo gagayegeraira.
8 Ainda susu mo, ne rea sisera aindae, ne sosighi arira. Evetu genembo nemoa gido gifua gitorotoro edo gharera.
9 Ainda beká sirorari gido, evetu genembo isasambu oju edo,
10 Eveva gaveva irari embodae resena. Bajari rea usira aindae riria evu! Numokena ambo sose fetevu!