1 Arie God, nanda God nimori. Nanda janje nimokena afigedo gherena.
2 Ninda vasa kakara aminda isagha aso gaeteni.
3 Ninda dubo bari, a kotugo kavevera mo, numo bekári, jo roera eni enda eminda amingo iraeri.
4 Na sifo ghousa nindae aiyakoe sido ya ambarena.
5 Ninda dombuda fetirise, nanda asisi kirumu berugaso mindi inono arira. Nindae roro use yaruimi sakai sise irarena.
6 Na avari vasada fasirise, nimoa koteraena, tumba soro ghousa nimoa kotise fase irá gheraena.
7 Ni sifo ghousa na sonemberaesa aindae, ninda ghabu itumo duruda irise, na ririaghae yaru seraena.
8 Na nimokena gangono ururono, ninda ungoimi na kaifa e tavo ururaso, jebuga irá gheraena.
9 Mave namoa daoro ambono dae kato eraera, ne ambari embo da vasada ya vovosegarera.
10 Ne isoro tataya use, daoro sirivo arera. Nenda tamo gambari sino maneimi mindarera.
11 God sonembureari nunda gitofu de atai fatiraira aindae, kini (king) riria use irá gheraira.